E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Skandali tek patentat/ Kush është drejtori Ramës, që dha dorëheqjen

22 Tetor 2018, 14:39, Aktualitet CNA

Ditën e sotme Drejtori i Patentave, Arben Isaraj dha dorëheqjen nga posti që mbante. Mësohet se shkak për dorëheqjen e tij u bë arrestimi i të vëllait, Altin Isaraj.

Isaraj ia ka dorëzuar dorëheqjen ministrit të Infrastrukturës dhe Energjetikës, Damian Gjiknuri dhe kryeministrit Edi Rama.

Por kush ishte Arben Isaraj?

Isaraj ka qenë zëvendësministri i Drejtësisë dhe emërimi i tij në postin e drejtorit në Drejtorinë e Përgjithshme të Shërbimeve të Transportit Rrugor u bë nga kryeministri Edi Rama.

Ai ka kryer studimet e larta për Drejtësi, në vitin 1988-të diplomohet ?Jurist?, dhe nga viti 1989-të deri në vitin 2002, ai ka qenë asistent dhe pedagog i lëndëve ?Histori e Doktrinës Politike-Juridike? e ?Filozofi e së Drejtës? si dhe Zëvendësdekan në Fakultetin e Drejtësisë të Universitetit të Tiranës.

Ka punuar për gati 10 vjet si pedagog në Fakultetin e Drejtësisë, ai është specializuar dhe kualifikuar në fushën e mendimit politik e juridik në Angli, Francë, Gjermani, Itali, Belgjikë, Greqi, si dhe ka qenë autor e bashkautor punimesh, artikujsh shkencor si dhe tekstesh universitare mbi të drejtën dhe ligjin.

Jeta e tij aktive politike, zë fill në vitin 1998-të me emërimin dhe e ushtrimin e detyrave si Këshilltar Juridik dhe Këshilltar i Sigurisë Kombëtare i disa Kryeministrave dhe ministrit të Mbrojtjes, Inspektor i Përgjithshëm i Shërbimit Informativ Shtetëror, Zëvendësministër i Rendit Publik.

Në vitin 2005, Arben Isaraj kandidoi si deputet në qarkun e Vlorës nën logon e Partisë Socialiste. Edhe në vitin 2009, ai fitoi mandatin e dytë si deputet, po në qarkun e Vlorës.

Më pas Arben Isaraj ka qenë pjesë përbërëse e komisioneve të përhershme kuvendore të ligjeve dhe sigurisë kombëtare si dhe kryetar e bashkëkryetar i disa komisioneve të posaçme hetimore kuvendore.

Kurse në vitin 2013, Arben Isaraj emërohet Zëvendësministër i Drejtësis në kabinetin qeveritar Rama 1.

Kujtojmë këtu se disa kohë më parë CNA.al rapotoi për skandalin që përfshiu, Drejtorinë e Përgjithshme e Shërbimit të Transportit Rrugor.

Në fund të vitit 2017 kjo drejtori shpalli një tender, me vlerë 420 milionë lekë për pajisjen e qytetarëve me kartonin e lejes së drejtimit të automjetit.

Me 22 janar 2018, caktohet kompania fituese, së cilës iu dha e drejta për të shtypur 150 mijë leje drejtimi, sipas kritereve te reja të vendosura nga autoritetet përkatëse.

Por, pas gjitha këtyre rezultoi se nga përfundimi i tenderit dhe shqiptarët i kishin të pamundur pajisjen me patenta. Ajo ndohet vetëm nëse jepje 100 euro në dorë.

Në atë kohë në zyrat e Drejtorisë së Përgjithshme të Shërbimit të Transportit Rrugor thuhej se nuk kishte kartona, por me ?mik? dhe lek në dorë në zyramund ta gjeje me 100 euro./ CNA.al

Skandali me patentat, nuk ka kartona/ Zgjidhja është 100 euro nën dorë

Iu arrestua vëllai/ Jep dorëheqjen Drejtori i Patentave