E fundit!

14:27 Politikë

Rama: Nëse këtu do të kishte lavatriçe parash të pista, nuk do të mbyllnim kapituj me BE-në

Në aktivitetin e programit “Dyfisho sipërmarrjen tënde”, k...

Shpërthen në kampin opozitar/ Basha-Kryemadhi përplasje për zgjedhjet vendore

20 Tetor 2018, 07:01, Aktualitet CNA

Zgjedhjet vendore të vitit 2019 kanë rikthyer tensionet mes Partisë Demokratike dhe Lëvizjes Socialiste për Integrim.

Ndërkohë që duket se demokratët në shumicën dërrmues janë kundër një bashkëpunimi PD-LSI sa i takon zgjedhjeve administrative të vitit tjetër, dhe jo vetëm, përplasje mes Lëvizjes Socialiste për Integrim dhe Partisë Demokratike ka pasur edhe sa i takon nënshkrimit të marrëveshjes së bashkëpunimit. PD me PDIU-në e Shpëtim Idrizit e ka nënshkruar një marrëveshje bashkëpunimi, ndërsa me LSI ende jo.

Gazeta Sot ka zbardhur të tjera detaje nga sherri që ka kapluar këto dy parti, sidomos këto ditët e fundit. Shkak janë bërë përzgjedhja e bashkive, ku si LSI ashtu edhe PD pretendojnë të dalin me kandidat të siglës respektive dhe ta kenë monopolin, duke marrë mbështetje nga gjithë partitë opozitare.

Nga njëra anë LSI kërkon të mbajë ato bashki që ka, madje ka shtuar oreksin për të marrë edhe ndonjë tjetër sa i takon zgjedhjeve të qershorit 2019. Ndërsa nga ana tjetër, edhe Partia Demokratike kërkon, madje ka shfaqur ambicien duke prishur kësisoj balancat, pasi kërkon që në dy bashki, të cilat i ka aktualisht Lëvizja Socialiste për Integrim, të dalë me kandidatë të saj.

Kryemadhi i ka kërkuar Bashës që të mbështesë kandidaturën e saj për Bashkinë e Gjirokastrës, që është kryetarja aktuale Zamir Rami, por baza demokrate e Gjirokastrës ka dalë kundër këtij propozimi të Kryemadhit, duke i kërkuar Bashës që të mos pranojnë një ofertë të kësaj natyre, pasi duhet që Gjirokastrën ta ketë PD-ja. Madje, mësohet se ata i kanë propozuar kreut demokrat edhe emrin që mund të jetë i denjë për të udhëhequr PD në zgjedhjet lokale për këtë bashki. Bëhet fjalë për kreun e Partisë Demokratike Gjirokastër, Roland Bejko.

Bashkia tjetër që është kthyer ?mollë? sherri mes PD dhe LSI është ajo e Beratit. Aktualisht kjo bashki drejtohet nga Petrit Sinaj, ky i fundit vjen nga radhët e LSI. Por gazeta ka mësuar se edhe për këtë bashki, ka shfaqur interes Partia Demokratike që të dalë me kandidatët të sajën dhe që të mbështetet nga Lëvizja Socialiste për Integrim, duke shkaktuar kështu përplasje mes dy partive.