E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Braktisën punimet e Parlamentit të Europës/ Eurodeputeti shuplakë PD-së

17 Tetor 2018, 16:28, Aktualitet CNA

Eurodeputeti i djathtë, Eduard Kukan, ka kritikuar bojkotin e Parlamentit të Europës nga përfaqësuesit e opozitës.

Në një intervistë për Abcneës, Kukan është shprehur se sado të rënda të jenë akuzat e opozitës ndaj kreut të Grupit Parlamentar të PS, Taulant Balla, duhej të zgjidheshin në Shqipëri.

Më tej europdeputeti ka shtuar, se veprimi i opozitës, nuk ishte një strategji e mirë.

“Ne morëm disa të dhëna, sipas të cilave, kolegët tanë të partisë demokratike kanë evidentuar disa probleme lidhur me bashkëdrejtuesin e seancës, Taulant Balla. Ata erdhën në takim dhe bënë një deklaratë për këtë. Ato që ata evidentojnë janë akuza shumë serioze. Dhe ata vazhdojnë të thonë që marrin gjithnjë e më shumë informacione lidhur me ato që ata i quajnë ? aktivitete kriminale? të Taulant Ballës.

Por nuk mendoj, se ishte korrekte që të braktisej salla. Sado serioze të jenë gjërat, unë mendoj se kjo çështje duhet zgjidhur në Shqipëri, në Kuvendin e Shqipërisë dhe jo të tentohet të zgjidhet në Parlamentin Europian. Në këtë kuptim, vendimi i tyre nuk ishte i drejtë. Më pas, deputetët e opozitës nuk morën pjesë më në takim. Gjithsesi, ishte pozitive që takimi u zhvillua dhe mundëm të shpreheshim.

Dhe ne aprovuam një deklaratë të përbashkët. Disa amendamente u aprovuan, disa u hodhën poshtë. Do mbetet në histori që në takimin e 13 të komitetit të MSA-së u aprovua një deklaratë e përbashkët e ekuilibruar. Këshilla ime për deputetët e Partisë demokratike është kjo. Nëse ata do të kishin qëndruar, ata do të mund të kishin përsëritur akuzat shumë herë. Ata e bënë këtë vetëm një herë dhe pastaj ikën. Nuk mendoj, se ishte një strategji e mirë”, u shpreh Kukan.

Gjatë fjalës së tij, Kukan ka vlerësoi zbatimin e reformës në drejtësi dhe vettingut. Më tej eurodeputeti ka folur edhe për krimin e organizuar, korrupsionin, pastrimin e parave, të cilat sipas tij vazhdojnë të mbeten problem.

“Ju vetë deklaruat se këto fenomene po dëmtojnë progresin e vendit në integrimin europian. Reforma e drejtësisë dhe procesi i Vettingut është një reformë shumë e vështirë. Ne e kuptojmë shumë mirë që është e komplikuar. Por ia vlen vërtet, që të merren të gjitha masat për zbatimin e saj. Ne e dijmë që ka pengesa dhe vështirësi. Nuk ka mjaftueshëm gjyqtarë në Gjykatën e Lartë dhe atë Kushtetuese, por mesa u informova, kjo pritet të zgjidhet para fundit të vitit. I kuptojmë ngërçet, por duhet vazhduar puna, sepse nëse reforma zbatohet plotësisht, ju do keni një sistem gjyqësor më të mirë se disa shtete anëtare të BE-së. Prandaj ia vlen që të bëhen të gjitha përpjekjet për këtë.

Problemet e tjera të cilat janë pasqyruar në rezolutë lidhur me krimin e organizuar, korrupsionin, pastrimin e parave dhe kultivimin e kanabisit janë një mesazh i qartë për lidershipin politik dhe për qeverinë, që ne i njohim problemet, i kemi shënuar ato dhe nëse nuk do ketë progres pasi i kemi artikuluar disa herë këto çështje, atëherë ky do bëhet problem edhe më i madh”, tha ndë të tjera Kukan.

Kujtojmë se dy ditë më parë, përfaqësuesit e opozitës në Parlamentin e Europës, kërkuan që Taulant Balla të mos ishte kryesues i delegacionit. Për këtë shkak ata u ngritën nga tryeza dhe braktisën punimet e Parlamentit. /CNA.al