web counter
LEXO PA REKLAMA!

SHKARKO APP

App Store
Google Play

E fundit!

x

Politikanët në “ethe”, nisin tentativat për fshehjen e pasurisë/ Katër pushtetarë të lartë nën hetim  

16 Tetor 2018, 06:50, Aktualitet CNA

Pushtetarët shqiptarë kanë nisur tentativat për të fshehur paratë e korrupsionit tani që po afron ngritja e SPAK.

Gjatë vitit 2018 janë referuar në organet ligjzbatuese katër politikanë, të dyshuar të përfshirë në pastrim parash. DPPP ka bërë me dije se në total gjatë këtij vitit ka pasur referime në organet drejtësisë për 250 persona, mes të cilëve 4 janë politikanë.

?Për vitin 2018 janë referuar rreth 250 raste të dyshimta, nga të cilat rreth 85 % janë dërguar në Polici dhe 15 % në Prokurori (duke vënë në dijeni Policinë edhe për këto të dytat)?, thuhet në shkresën e DPPP. Ndërsa sa i takon përfshirje së politikanëve, për 1 prej tyre ka pasur referim në prokurori dhe për 3 të tjerë në polici, me qëllim që të vijojnë më tej hetimet, pasi Drejtoria e Pastrimit të Parave vetëm mund të referojë dhe jo të bëjë kallëzime penale.

?Në lidhje me persona të klasifikuar PEP (Persona të Ekspozuar Politikisht) apo persona të cilët kanë qenë PEP apo kanë mbajtur/mbajnë detyra shtetërore, për vitin 2018 kemi referuar një rast në Prokurori dhe tre raste në Polici, me dyshimet për investime, qarkullim të fondeve të pajustifikuara nga burime të ligjshme dhe dyshuar prej veprave të shpërdorimit të detyrës apo korrupsionit aktiv/pasiv.

Theksojmë se DPPPP referon vetëm dyshimet të bazuara në analizën financiare të kryer në lidhje me personat e dyshuar apo të tjerë persona/subjekte të lidhur dhe informacioni jonë i nënshtrohet trajtimit dhe investigimit nga strukturat që ju referohet, të cilat konkludojnë rast pas rasti nëse dyshimet materializohen me prova?, thuhet në përgjigjen e DPPPP për gazetën ?SOT?.





Lajmet e fundit nga