Ekskluzive-Për shekuj pa rrugë/ Mjeku shqiptar tregon si përfundoi rruga e fshatit me bukuri të rralla

13 Tetor 2018, 14:22, Aktualitet CNA

Curraj i Epërm është nga fshatrat me bukuri të rralla natyrore, por pak shqiptarë kanë mundur t?i shikojnë.

E kjo për shkak të rrugës, e cila për shekuj me radhë ka qenë njësoj si një rrugë mesjetare.

Fshati Curraj i Epërm njihet, si vendi i kreshnikëve dhe ndodhet në trekëndëshin mes Thethit dhe Valbonës në njësinë administrative Nikaj Mërturë, të bashkisë Tropojë.

Ujëvarat, shpellat të e eksploruara deri sot që alpinistet dhe arkeologet italiane, deri tani kanë arritur në 6,5 km gjatësi dhe akoma nuk i kanë dalë në fund, dhe dy lumenjtë me ujin e kulluar e bëjnë këtë fshat një perlë të alpeve shqiptare.

Falë iniciativës së komunitetit të Currajt të Epërm, kryetarit të bashkisë Besnik Dushaj, deputetit Isuf Çelaj, administratorit të njësisë Nikaj Mertur, Gjovalin Gjeloshaj, kryetarit të shoqatës Nikaj Mërtur dhe mjekut Mhill Gecaj.

Lajmi për përfundimin dhe inaugurimin e rrugës automobilistike, të Currajt të Epërm është dhënë nga ky i fundit, me anë të një postimi në rrjetet sociale.

I kontaktuar nga CNA.al (CityNews Albania) mjeku, Gecaj ka treguar se u deshën 3 muaj pune intensive, pa pushim asnjë ditë për të përfunduar këtë rrugë.

?Puna ka filluar me datë 4 Korrik 2018 me hapjen e sezonit turistik në një zonë tjetër të bukur turistike siç është Vrana e Madhe në Nikaj Mërtur, sepse deri aty shkonte rruga kuptohet e pa shtrua dhe e pa mirëmbajtur dhe kemi filluar hapjen e trasesë, e cila është rreth 12 km rrugë e re e hapur . U deshën rreth 3 muaj punë intensive pa pushim, asnjë dite dhe me orë të zgjatura që kjo të arrij në destinacion, q ne i themi në log të Kishës në Currraj Eperm?, – është shprehur Mhill Gecaj.

Mjeku, Gecaj ka treguar për CNA.al se iniciativa për shtrimin e kësaj rruge lindi nga burrat dhe djemtë dhe bijat e Currajt të Epërm, të cilët morën në dorë fatin e këtij fshati.

?Burrat,djemtë, bijtë dhe bijat e Curraj Epërm morën në dorë fatin e këtij fshati, duke hapur 12 km km rrugë të re që nuk ka ekzistuar kurrë?,- ka treguar ai.

Mjeku i cili punon në Tiranë, ka shpjeguar më tej për CNA.al se kjo iniciativë u mor, për arsyen sepse vetëm kështu fshati mund të kthehet në një atraksion turistik.

Por edhe pse pa rrugë dhe pa energji në gjithë këto vite fshati Curraj i Epërm është vizituar nga qindra turistë polak dhe çek.

Ai ka treguar edhe se si do mirëmbahet, kjo rrugë, e cila zgjon një rreze drite për zhvillimin e fshatit me bukuri të rralla.

?Sipas marrëveshjes me Bashkine Tropoje kjo rrugë do të hyje në inventarin e rrugëve të Bashkisë Tropojë dhe do regjistrohet në ZRPP. Plus që po mendohet nga disa djem nga Curraj Eperm që do të sjellin edhe një traktor për mirëmbajtjen, do të sillet edhe një kamion vetëshkarkuese dhe me vinç nga biznesmeni Skender Perpepaj?.

Shuma në total, për përfundimin e kësaj rruge ka qenë 150 milion lekë, ku kontributet kanë qenë nga vlerat më modeste e deri tek shuma të mëdha, që janë dhuruar nga komuniteti kësaj zone.

Në përfundim mjeku ka treguar për CNA.al se banorët e këtij fshati shpresojnë, se me shtrimin e kësaj rruge ata do të kenë mundësi të zhvillojnë turizmin.

?Së pari do ketë një kthim masiv të banorëve në shtëpitë e tyre të bukura dhe do fillojë restaurimi i tyre për ti kthyer në bujtina pritëse për turizmin dhe vizitorët që nuk do jenë të paktë. Së dyti do japë një zhvillim të madh gjithë zonës Nikaj Merturit duke kthyer në një atraksion të madh turistik, pasi kjo rrugë lidh pothuajse të gjitha Fshatrat e Nikaj Merturit?,- ka shpjeguar mjeku Mhill Gecaj./ CNA.al

Më poshtë foto nga fshati Curraj i Epërm, si dhe foto që tregojnë punimet e rrugës