E fundit!

12:57 Kronika

Pamje nga vendngjarja/ Ja ku ndodhi vrasja e efektivit në Maliq

Disa pamje të siguruara nga CNA tregojnë zonën ku ndodhi n...

Ekskluzive-Video-skandali i publikuar nga Salianji/ Ja kush realizoi përgjimin e Alizotit

10 Tetor 2018, 11:42, Aktualitet CNA

Mbrëmjen e djeshme nga studio e emisionit ?Opinion?, deputeti i PD, Ervin Salianji ka publikuar një video në të cilën pretendon se Fredi Alizoti, personi që sipas Prokurorisë ka imituar zërin e Agron Xhafajt në audio-përgjim, deklaronte se ishte shoqëruar nga drejtori i Përgjithshëm i Policisë Ardi Veliu për në Prokurori.

Video u paraqit si provë që rrëzonte dëshimtarin Alizoti, por në fakt ajo video konfirmoi se Alizoti ka bërë skenarin e audio- përgjimit.

Por , përtej kësaj burime nga PD i thanë CNA.al se të gjithë e dinë kush është personi që bëri atë video-përgjim.

Nga frika se do zbardhej e vërteta dhe për të mos pasur probleme u bë edhe ajo video, që të shpëtonte skenaristi në çdo rast të mundshëm.

Mësohet se për videon e parë dhe të dytë kanë qënë në dijeni edhe disa ish punonjës të lartë të Policisë së Shtetit, por edhe disa bashkëpunëtorë të tjerë të cilët kanë kryer edhe ndërhyrjet në të dyja videot. Tek e para dhe ajo e mbrëmshmja, të dyja të publikuara nga deputeti Ervin Salianji.

Në të dyja rastet, as Salianji as PD nuk dorëzojne paisjet që kanë kryer përgjigmet dhe as videon origjinale, por vetëm kopje të tyre.

Por, në rast se herën e pare doli gazetari Jetmir Olldashi, i cili pretendonte se kishte bërë investigimin, për herën e dytë, Ervin Salianji nuk dha asnjë emër.

Po të njëjtat burime, thanë për CNA.al se personi që ka kryer regjistrimin është nje ish-drejtues policie në komisariatet e kryeqytetit e më pas drejtor në Bashkinë e Tiranës, në kohën kur drejtonte Basha. Një person i akuzuar shpesh për korrupsion dhe me përplasje e precedente penalë.

Prokuroria pritet të zbardhë detajet dhe të thërrase personin që ka kryer filmimin, por edhe disa personazhe të tjerë të përfshirë në montimin e audio dhe video-përgjimit./ CNA.al

Ekskluzive/ Prokuroria për Krimet e Rënda thërret Salianjin si person nën hetim

Prokuroria tund prangat/ Salianji zyrtarisht nën hetim