E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Salianji tmerrohet nga prangat/ Prokurori, deshmitarët dhe Babalja u blenë

6 Tetor 2018, 17:46, Aktualitet CNA

Deputeti demokrat Ervin Salianji ka reaguar pasi Prokuroria e cilësoi si të montuar audiopërgjimin e ?Babales? dhe kërkoi arrestimin e Albert Veliut dhe Fredi Alizotit.

Sipas Salianjit, deklarimi i pafajshëm i Agron Xhafajt, vëllait të Ministrit të Brendshëm Fatmir Xhafaj, ka qenë qëllimi kryesor i hetimeve të Prokurorisë.

Deputeti demokrat ndër të tjera ka shtuar se vendimi u dha me urdhër të kryeministrit Edi Rama, ndërsa ky i fundit sa herë që kapet mat në krim, arreston denoncuesit dhe jo kriminelët.

Më tej Salianji tha se Edi Rama mund të shantazhojë e blejë prokurorë e dëshmitarë, por nuk mund ta mbulojë të vërtetën.

Fjala e plotë

Askush nuk u habit sot nga kërkesa e prokurorisë që, nën urdhrat e regjisorit Edi Rama, zbatoi skenarin kriminal të urdhëruar prej tij 5 muaj më parë për të shpëtuar vëllanë e Ministrit të Brendshëm nga akuza për trafik droge.

Që ditën e parë, Edi Rama foli për audio përgjim të sajuar. Dhe prokuroria kështu vendosi.

Që ditën e parë, Edi Rama shpalli se në vend të Agron Xhafës ishte një aktor. Dhe prokuroria kështu vendosi.

Që ditën e parë Edi Rama shpalli të pafajshëm Agron Xhafën nga akuza për trafik droge. Dhe prokuroria kështu vendosi.

Është e provuar se sa herë kapet në krim, Edi Rama arreston denoncuesit dhe jo kriminelët, duke përdorur çdo shantazh në favor të skenarit të tij kriminal.

Deklarimi i pafajshëm i vëllait të Ministrit të Brendshëm ka qenë qëllimi kryesor i hetimeve të prokurorisë, i paracaktuar që ditën e publikimit të skandalit nga Partia Demokratike.

Me urdhër të Edi Ramës, hetimi u drejtua personalisht nga vetë Fatmir Xhafaj, nën kontrollin e të cilit janë si prokurorja e përgjithshme, ashtu edhe kryeprokurorja e krimeve të rënda.

Është fakt se Fatmir Xhafaj lejoi nisjen e hetimeve vetëm pasi siguroi largimin e të vëllait trafikant droge nga Shqipëria.

Është fakt se Fatmir Xhafaj dhe Edi Rama nuk bënë kurrë publik rezultatin e një ekspertize private, që provonte, sipas tyre, se Agron Xhafaj nuk ishte përfshirë në trafik droge.

Është fakt se laboratori shtetëror i Ministrisë së Brendshme italiane, i shpallur nga vetë qeveria si më i specializuari në Europë për të tilla ekspertiza, refuzoi të bëhej pjesë e skenarit kriminal të qeverisë së Edi Ramës.

Hetimi provoi se prokuroria, në vend që t?i shërbejë zbulimit të së vërtetës, mbron krimin e organizuar, të lidhur direkt me qeverinë.

Edi Rama mund të paguajë, shantazhojë, blejë prokurorë e dëshmitarë, mund të sajojë përkohësisht prova dhe të shpikë aktorë, por nuk do t?ia dalë të mbulojë të vërtetën e përfshirjes së Agron Xhafës në trafikun e drogës. /CNA.al