web counter
LEXO PA REKLAMA!

SHKARKO APP

App Store
Google Play

E fundit!

x

Prokuroria “tund prangat”/ Gazetari i “Babales” dhe Salianji rrezikojnë burgun

6 Tetor 2018, 13:59, Aktualitet CNA

Disa muaj më parë, Partia Demokratike ndërmori një valë denoncimesh ndaj ministrit të Brendshëm, Fatmir Xhafaj. Një kauzë që në fillim u duk serioze, dhe e mirë organizuar.

Në maj të këtij viti, Enkelejd Alibeaj, Gazmend Bardhi dhe Ervin Salianji, kanë dalë në ambientet e selisë blu për të publikuar një përgjim audio, në të cilin pretendohej se Agron Xhafaj, vëllai i ministrit të Brendshëm, Fatmir Xhafaj, shfaqej duke bërë pazare droge. Por, Prokuroria për Krimet e Rënda ka arritur në përfundimin se audio-përgjimi ishte i montuar dhe ka kërkuar ?arrest me burg? për Albert Veliun si dhe shokun e tij, Fredi Alizotin, i cili ka luajtur rolin e Agron Xhafajt, ndërsa për gazetarin Olldashi është kërkuar detyrim paraqitje.

Kujtojmë këtu se në media, ku u publikua audio-përgjimi i pretenduar, u tha se ishte gazetari Jetmir Olldashi , ai që kishte kontaktuar Ervin Salianjin dhe ja kishte dhënë atij.

Pra, i gjithë manipulimi i nisur nga ?Babale? dhe shoku i tij është marrë nga Olldashi dhe është çuar te Salianji, i cili më pas e ka bërë si kauzë në PD çështjen e ?Babales? por që në fund doli të ishte një fallcitet dhe një mashtrim, një lojë dhe një karrem që Lulzim Basha e hëngri nga Salianji, gazetari por edhe nga vetë ?Babalja?.

Burime nga prokuroria thanë se në lidhje me çështjen do të rithirret deputeti Salianji, Alibeaj si dhe Gazmend Bardhi, i cili është pyetur më parë në lidhje me këtë çështje.

Ditën e djeshme në prokurori ka dëshmuar deputeti Ervin Salianji, ndërkohë pritet që pasi prokuroria të thellohet në hetimin e çështjes do të hedhë dritë mbi të gjitha detajet dhe tek roli specifik i gazetarit Olldashi dhe deputetit Ervin Salianji.

Për ?Babalen? dhe shokun e tij të ngushtë, i cili ka luajtur rolin e Agron Xhafajt është kërkuar ?arrest me burg?.

Por, ndërkohë ?Babale? ndodhet në Kosovë, ku ka kërkuar azil politik dhe e ka pranuar të gjithë manipulimin e historisë dhe ka rrëfyer lojën që ka bërë. Por në këtë lojë është i përfshirë edhe gazetari Jetmir Olldashi si dhe deputeti Ervin Salianji.

Jetmir Olldashi e ka thënë publikisht se ka qenë ai që ja ka çuar audio-përgjimin Ervin Salianjit dhe më pas ky i fundit e bëri publike në Partinë Demokratike, duke ndezur opinionin publik dhe duke hedhur ?bombën? e një skandali.

Ngjarja u paraqit nga PD-ja si një investigim i gazetarit Jetmir Olldashi. A ka në këtë rast përgjegjësi gazetari për këtë investigim të manipuluar, i cili tronditi opinionin publik dhe themelet e shtetit?

Së dyti, pritet që prokuroria, pas hedhjes së hapit të parë, të thellohet në hetime dhe në rolin e abuzimit që ka luajtur politika, përtej, investigimit të pretenduar nga gazetari.

Në atë kohë, CNA.al raportoi se deputeti Salianji, godiste gjoksin me grushta në korridoret e PD-së, se ishte ai që kishte siguruar këtë audio-përgjim dhe ishte roli i tij që kishte çuar në publikimin e këtij skandali.

Këtë e konfirmoi edhe publikisht gazetari Jetmir Olldashi, tek Blendi Fevziu, kur tha se ishte ai që e kishte siguruar audio-përgjimin me ?Babalen? dhe ja kishte dhënë Salianjit.

Duket se prokuroria do ti shkojë deri në fund çështjes. Edhe pas faktit se gazetari shpalli fillimisht se ishte ai investiguesi, deklaroi publikisht në media se nuk kishte qenë i pranishëm gjatë momentit kur ishte bërë audio-regjistrimi, duke shmangur rolin e tij të drejtpërdrejtë në audio-përgjimin e ?Babales?, ku pretendohet se vëllai i ministrit Xhafaj, Agron Xhafaj shfaqet duke bërë pazare droge, i cili tani ndodhet në Itali, pas prangave.

CNA.al në atë kohë ka raportuar ngjarjen e plotë. Edhe qëndrimet e gazetarit, edhe qëndrimet e deputetit Salianji, por edhe skandalin publik. Tashmë pas pothuajse pesë muajsh, çështja ?Babale? është çmontuar. Ai është rrëfyer në Kosovë dhe prokuroria ka kërkuar arrestimin e tij dhe të personit që ka bërë rolin e Agron Xhafajt. Pra, ai që ka manipuluar me këtë audio-përgjim i cili më pas është dhënë nga gazetari, bëri një boom të madh në media. Prokuroria ka kërkuar detyrim paraqitje për gazetarin, por ende nuk është thënë asgjë për deputetin.

Thellimi i hetimeve mund të çojë pas prangave edhe gazetarin, i cili duket se ka një rol kyç në këtë histori, por do të presim hetimet. Por, jashtë skemës nuk ngelet edhe deputeti, i cili pa e verifikuar investigimin e pretenduar nga gazetari, pa i konfirmuar burimet dhe pa siguruar për vërtetësinë e audio-përgjimit dhe rolin e vëllait të ministrit, e hodhi si ?bombë? në opinionin publik.

Për këtë foli edhe vetë Lulzim Basha, gjithë opozita, duke e çuar këtë të fundit në qorrsokak.

Pas disa muajsh rezultoi se gjithçka ishte vetëm një mashtrim, jo vetëm për opinionin publik, por edhe një shantazh ndaj shtetit, që mund të çonte deri në rrëzimin e qeverisë.

Tashmë pritet që prokuroria, me thellimin e hetimeve, të zbulojë rolin e plotë edhe të Jetmir Olldashit edhe të deputetit të video-skandalit erotik, Ervin Salianji, të cilëve akuza duket se po ju tund prangat./CNA.al





Lajmet e fundit nga