E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Opozita e leshit dhe e përsheshit

6 Tetor 2018, 12:59, Aktualitet CNA

Nga Prof. Dr. Arben Manasterliu:

“Ja do ta shikoni tani. Ja do ta shikoni pastaj. Ja sa të mbarojmë pushimet e verës, ose më mirë pas pushimeve të fundvitit, ose deri vitin tjetër. Keni për ta parë se çfarë opozite do bëjmë.” Këto janë fjalët e për më shumë se një viti të opozitës sonë PD-LSI-e kompani.

Opozita më e dobët historike e këtij vendi. Nje opozitë e bërë lesh e përshesh e cila vetëm leh pas çdo tallje të Ramës. Kjo opozitë facebook-u e aftë të bëjë qindra postime në ditë nuk bën dot një plan veprimi politik ose një listë të thjeshtë propozimesh në të mirë të shqiptarëve.

E gjithë opozita e derimëtanishme përmblidhet vetëm në 3 persona: Sali Berisha, i cili thumbon qeverinë aty ku i djeg më shumë, me informacione të padisponuara as edhe nga media; Ylli Manjani i cili hera herës nuk i fsheh opinionet kritike si ndaj Monës ashtu edhe Metës, dhe; Altin Goxhaj i cili ka qenë i vetmi që për shumë vite me radhë ka bërtitur Sorosi, Sorosi, e tani u kuptua se kush n?a paska qenë Sorosi e se çfarë n?a paska bërë ai në Shqipëri!

Të tjerët? Luli, Mona e kompani, janë thjeshtë një opozitë leshi e përsheshi.

Flitet në rrethet e ngushta të politikës se opozita e ka një plan gjenial. Ajo do sabotojë zgjedhjet e ardhshme vendore. Nuk do hyjë në to. Me Ramën Kryeministër nuk ka zgjedhje të lira do pretendojë ajo.

Bam-bum të huajt dhe miqtë e dashur të vendit, ata që vijnë gjithmonë për qoka do vijnë sërish e do ofrojnë paketa zgjidhjesh, përmes së cilave do përfitojë sërish Rama dhe Luli si me 17 maj, ndoshta me formën e kompesimit të pallatit të vjehrrit (kompesim Strasburgu që rrallë bëhet për persona të rëndomtë fizikë apo juridikë) ose me forma të tjera si për shembull falja e ndonjë fitoreje në bashki gjysëm të rëndësishme. Mona dhe LSI e saj do mbetet me gisht në gojë si në zgjedhjet e kaluara, demokratët dhe LSI-tat e paktë që kanë mbetur do vazhdojnë pa punë e pa privilegje, Meta do vazhdojë t?i ngjitet maleve të Shqipërisë me Çimin e palestruar në krah, dhe Rama do vazhdojë qeverisjen.

Por nëse ndodh ndonjë çudi dhe Luli del nga natyra e tij e bëhet cub, atëherë Rama shpërbën qeverinë dhe parlamentin dhe shkon në zgjedhje të përgjithshme dhe vendore bashkë.

Dhe a i fiton përsëri? Si mendoni ju? Përballë kësaj opozite leshi e përsheshi?

Filmi mbaroi. Rama legjitimohet persëri e do qeverisë për një kohë shumë e shumë të gjatë.

Në asnjë vend të botës populli nuk sulmon opozitën! Kjo dihet nga të gjithë, por kaq e pështirë dhe e pashpresë është kjo opozita jonë saqë meriton sulmet dhe poshtërimin.

Vetëm sabotimin e zgjedhjeve vendore ka ajo mbi tavolinë, asgjë tjetër. Asnjë alternativë në të mirë të shqiptarëve. Asnjë protestë për taksat. Asnjë bojkot për papunësinë. Asnjë plan veprim për largimin e shqiptarëve dhe mungesën e shpresës. Vetëm bojkote në interes të vetes, dhe beteja si llafe grashë nëpër rrjete sociale. Shkojini pas asaj po deshët! Teksa ajo s?po ju vjen nga pas aspak juve.