web counter
LEXO PA REKLAMA!

SHKARKO APP

App Store
Google Play

E fundit!

x

Dhunonte të miturit/ Arrestohet shoferi i autobuzit

6 Tetor 2018, 19:12, Aktualitet CNA

Pas publikimit të një videoje ku dukej shoferi i autobuzit duke dhunuar fëmijët, të cilët i transportonte për në shkollë, policia e Dibrës ka arrestuar dhunuesin.

Nga të dhënat të bëra të ditura nga policia mësohet se në pranga ka rënë shtetasi Edmond Sela,  35 vjeç, banues në fshatin Burim, Dibër.

Pas verifikimeve rezultoi gjithashtu se Sela kishte mangësi në dokumentacion, e për mangësitë e konstatuara  do të procedohet administrativisht nga Policia Rrugore.

Më poshtë njoftimi i plotë i policisë:

Dibër – Pas denoncimit nga Ministria e Arsimit, te nje videojeje ku shfaqet një drejtues autobusi që ushtron dhunë ndaj dy  nxenësve, sqarojmë se:

Policia e Dibrës menjëherë ka bërë të mundur identifikimin dhe shoqërimin në Komisariatin e Policisë, të drejtuesit të autobusit,  shtetasin Edmond Sela,  35 vjeç, banues në fshatin Burim, Dibër.

Nga verifikimet e kryera ka rezultuar se shtetasi E.Sela, me automjetin e tij autobus, me targa AA 633 BO kryente transportin e nxënësve në rrugë dytësore nga fshati Burim për në shkollën e Majtarës, në njësinë admimistrative Maqellarë.

Në datë 4.10.2018, ky shtetas ka ushtruar dhunë ndaj dy nxënësve,  pasi pretendonte se i kishin djegur me cigare sediljet e automjetit.

Në përfundim të veprimeve të para hetimore shtetasi Edmond Sela, u arrestua për veprën penale “Keqtrajtim i të miturit”, parashikuar nga neni 124/b i Kodit Penal.

Gjithashtu rezultoi se kishte mangësi në dokumentacion, e për mangësitë e konstatuara  do të procedohet administrativisht nga Policia Rrugore.

Drejtoria Vendore e Policisë Dibër është e angazhuar maksimalisht për sigurinë e qytetarëve,  veçanërisht për sigurinë e fëmijëve dhe fton qytetarët, nxënësit,  prindërit e mësuesit të denoncojnë çdo shkelje apo cënim të dinjitetit, shëndetit e jetës së tyre, duke garantuar një reagim të shpejtë profesional dhe dhe të paanshëm./ CNA.al





Lajmet e fundit nga