web counter
LEXO PA REKLAMA!

SHKARKO APP

App Store
Google Play

E fundit!

x

Bëni kujdes kur konsumoni verë/ Zbulohet hilja që përdorin prodhuesit

6 Tetor 2018, 18:02, Aktualitet CNA

Vera është një nga pijet më të konsumueshme nga shqiptarët, si  në ambientet familjare, ashtu edhe në restorante.

Atë e gjejmë në disa forma, në kuti, shishe apo edhe shtëpie. Kjo e fundit përdoret rëndom nëpër bare dhe restorante.

Top Channel për të parë cilësinë e verës që konsumojnë shqiptarët, dërgoi pesë kampionë për analizë në Institutin e Sigurisë Ushqimore dhe Veterinarisë.

Sa i përket rezultateve, Enollogu Krenar Gozhdari, sqaron se sasia e sulfurit në verë, rezulton më e lartë se ajo e normave të lejuara.

Roli i sulfurit në verë, parandalon fermentinmin e saj dhe kthimin në uthull, shton më tej Gozhdari.

?Njëri nga kampionet është lehtësisht mbi normën përsa i përket prezencës së sulfurëve në verë. Kurse një kampion tjetër, verë e kuqë gjithmonë ka një raport sulfuresh i lidhur me të lirë, pak jo normal. Çfarë roli loz sulfuri në verë, çfarë është sulfuri? Atëherë sulfuret ose SO2 të themi është konservuesi i vetëm i lejuar në verë. Bën ruajtjen e verës që vera të mos na kthehet në uthull. Sa është standardi i sulfurit në verë? Për verën e kuqe limitet për të lirin janë deri në 60mlg për litër, kurse sulfuri total shkon deri në 200 mlg për litër. Dhe kur shohim abuzim të tillë çfarë ndodh me verën? Nëse këto analiza konstatohen duhet të bëhet një bllokim i sasisë?, tha Gozhadari.

Ndërkohë përsa i përket verës së shtëpisë, e cila ofrohet rëndom nëpër lokale, enollogu u shpreh se duhet të bëjmë kujdes, pasi mund të prodhohet edhe në kushte laboratorike, pa lëndën e parë, e cila është rrushi.

?E vetmja verë ku mund të dyshohet për sofistikim është vera e shtëpisë, e cila ka një alkool prej 11. 26% sipas analizës. Thjesht duke parë përqindjen e alkoolit, pres që kjo verë të jetë ngjyrë e kuqë e lehtë. Pasi supozohet që rrushi në këtë përqindje alkooli ka qenë i pa pjekur. Ndërkohë që vera kishte ngjyrë shumë të errët gjë e cila më bën të dyshoj për vetë të modifikuar?, shtoi më tej Enollogu. /CNA.al

 

 





Lajmet e fundit nga