web counter
LEXO PA REKLAMA!

SHKARKO APP

E fundit!

x

Tre armë e nëntë gëzhoja/ Zbardhen detajet tronditëse për atentatin në ish-bllok, identifikohet autori

5 Tetor 2018, 08:41, Aktualitet CNA

Të tjera detaje kanë dalë në dritë sot nga ngjarja e mbrëmshmë në zonën e ish-bllokut, ku një person mbeti i vdekur, ndërsa dy të tjerë u plagosën.

Mësohet se nga breshëritë e plumbave ka mbetur i vdekur Fabiol Gaxha dhe të plagosur Ervis Martinaj dhe Laert Hato. Po kështu burimet saktësojnë se janë dy të plagosur nga ngjarja. Ervis Martinaj, që u tha se ishte shënjestra pas një ndërhyrjeje në Spitalin e Traumës është transportuar në spital privat ku ruhet me masa të rrepta sigurie.

Uniformat blu bëjnë të ditur se në vendin e ngjarjes janë gjetur tre armë si dhe janë mbledhur nga hetuesit 9 gëzhoja, çka tregon se ka pasur të shtëna jo vetëm nga një armë.

Po sipas këtyre burimeve, mësohet se është identifikuar edhe autori i vrasjes, emri i të cilit nuk bëhet i ditur për shkak të hetimeve. Autori dyshohet të jetë ekspert i përdorimit të armëve.

Këto dhe informacione të tjera të mbledhura edhe nga kamerat e sigurisë ka gjasa që të zbardhin shumë shpejt krimin që tronditi Tiranën.

Breshëri plumbash në Tiranë/ Mbi 50 të shoqëruar, zbardhet skena e krimit   





Lajmet e fundit nga