web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi në ish-bllok trondit kryeqytetin/ Këmbanë alarmi për sigurinë   

5 Tetor 2018, 07:37, Aktualitet CNA

Një ngjarje e rëndë ka ndodhur mbrëmjen e djeshme në zonën e ish-bllokut. Një nga zonat më të frekuentura të kryeqytetit. Në një nga lokalet më të shtrenjta të zonës dhe ndër më të frekuentarat, ka ndodhur një atentat me armë zjarri, si pasojë e të  cilit një person humbi jetën.

Fillimisht u raportua për dy të plagosur, ndërsa sot mësohet se  edhe një person i tretë, ende i paidentifikuar, ka mbërritur i plagosur në një spital privat, rreth dy orë pas atentatit.

Kamerat e sigurisë zbardhin dinamikën si konflikti mes dy grupeve ku u vra Rigers Gaxha dhe u plagos Ervis Martinaj, Laert Hasa si dhe një personi i tretë i paidentifikuar. Ngjarja ndodhi në një prej zonave më të frekuentuara, brenda një lokali në zonën e ish-bllokut në kryeqytet dhe në një orar fluksi lëvizjesh.

Mësohet se dy grupe kriminale janë konfliktuar me grushte me njëri-tjetrin dhe në sherr e sipër Rigers Gaxha, duke i dalë në mbrojtje Ervis Martinajt, qëlloi me armë zjarri në drejtim të grupit rival. Kundërpërgjigja rezulton fatale për Gaxhën i cili merr një plumb në kokë, ndërsa Ervis Martinaj dhe Laert Hasa, të cilët kanë qenë në një tavolinë sëbashku mbesin të plagosur.

Por, ajo çfarë e bën edhe më shokuese ngjarjen është fakti se ndodhi në një nga zonat më të frekuentuara të Tiranës. Në një nga zonat më të shtrenjta dhe me kamera sigurie nga të gjitha anët. Kur një ngjarje e tillë ndodh në mes të Tiranës, çfarë mund të ndodhë më tej në periferi. Në zona ku mungon ndriçimi, ku nuk ka kamera dhe ku autorët mund të arratisen lehtësishet në erësirën e natës. Ngjarja e mrëmshme jepm alarmin e fortë për gjendjen e sigurisë në vend. Është në kambanë e fortë alarmi për rrezikun që i kanoset çdo qytetari të këtij vendi, dhe një kambanë alarmi për institucionet përgjegjëse që të marrin masta e nevojshme.





Lajmet e fundit nga