web counter
LEXO PA REKLAMA!

SHKARKO APP

App Store
Google Play

Fjala përpara gazetarëve gjermanë/ Deputetja "nxin" Qeverinë

4 Tetor 2018, 18:29, Aktualitet CNA

Deputetja demokrate, Grida Duma në një takim me disa gazetarë gjermanë të mbështetur nga delegacioni i BE-së, shprehu shqetësimin për mospërmbushjen nga qeveria të kushteve për hapjen e negociatave.

Sipas saj, qeveria i trembet monitorimit dhe kontrollit të rreptë nga Bashkimi Europian.

Më tej Duma ka shtuar se Shqipëria është kthyer në një qendër rajonale për transportin e drogës, ndërsa shton se drejtësia, korrupsioni dhe krimi i organizuar kanë sënuar regres të ndjeshëm.

Duma ndër të tjera ka folur edhe për cënimin e lirisë së shprehjes dhe të fjalës, e cila sipas demokrates, ka  degjeneruar deri në kërcënim fizik.

“Të gjitha këto nuk kanë marrë asnjë ndëshkimin nga ana e institucioneve. Drejtësia dhe vetingu në drejtësi po ecën me hapa të ngadalta dhe ende nuk janë ngritur institucionet e reje që parashikonte reforma në drejtësi e miratuar më shumë se dy vjet më parë. Në këto kushte opozita ka paraqitur dhe propozuar amendimin kushtetues për të bërë vetingun e politikanëve për kontrollin e pasurisë dhe integritetin e tyre, lidhjet e tyre me mafian, njësoj si vettingun e gjyqtarëve dhe prokurorëve”, tha Duma.

Sipas saj, vetëm çlirimi i qeverisjes nga krimi parandalon përkeqësimin e situatës dhe ndoshta destabilizimin e gjendjes në vend. /CNA.al





Lajmet e fundit nga