web counter
LEXO PA REKLAMA!

SHKARKO APP

App Store
Google Play

Bujar Nishani në telashe me drejtësinë/ Gjykata e Tiranës e shpall në “kërkim”

4 Tetor 2018, 12:13, Aktualitet CNA

Bujar Nishani ka hyrë në telashe me drejtësinë për shkak të disa deklaratave që ka bërë kohë më parë, në adresë të trajnerit të Kombëtares Shqiptare, Christian Panucci.

Trajneri ka paditur në Gjykatën e Tiranës ish-presidentin Bujar Nishani për fyerje dhe kërkon dëmshpërblim prej 100 mijë eurosh për dëmin që sipas tij i është shkaktuar nga Nishani dhe përgënjeshtrim të deklaratës. Kjo Gjykatë, i ka dërguar një fletëthirrje ish-presidentit Bujar Nishani për t?u paraqitur në seancë, por Nishani është pa adresë, gjë e cila ka bërë që Gjykata e Tiranës të shpallë ?në kërkim? ish -presidentin.

Gjykata e Tiranës i ka dërguar një letër zyrës së gjendjes civile për të gjetur adresën e Bujar Nishanit, pasi do i kërkojë të paraqitet si i paditur pas kallëzimit nga trajneri i Kombëtares shqiptare të futbollit Christain Panuçi.

Me 1 tetor 2018, gjykata iu drejtua me shkresë zyrës së gjendjes civile për të kërkuar informacion mbi palën e paditur që është Bujar Nishani.
Pergjigjia që gjykata ka marrë nga gjendja civile është: ?Ka ndërruar adresë?.

Pas kësaj, Gjykata është detyruar ta ?shpallë në kërkim? ish -presidentin  pasi nuk dihet se ku banon, për t?i dërguar fletëthirrjen.

Kujtojmë këtu se pas humbjes së Shqipërisë në ndeshjen Kosovë-Shqipëri, ish-presidenti Bujar Nishani thoshte në Facebook, se Panuçi ishte një ?sharlatan?. Pas postimit, Panucci menjëherë reagoi duke thënë se do e padiste Nishanin, dhe ky konflikt tashmë ka përfunduar në Gjykatë.





Lajmet e fundit nga