web counter
LEXO PA REKLAMA!

SHKARKO APP

App Store
Google Play

E fundit!

x

Basha dhe vjehrri/ Të gjitha akuzat për favorizim dhe leje pallatesh

2 Tetor 2018, 11:38, Aktualitet CNA

Prej disa ditësh, kreu i Partisë Demokratike, Lulzim Basha ka propozuar nismën për vetingun në politikë. Basha ka kërkuar që edhe politikanët t’i nënshtrohen Vettingut, njëlloj si gjyqtarët dhe prokurorët, por vetëm për lidhjet me krimin dhe bandat, jo për pasurinë.

Ne të CNA.al, nisur nga kjo kemi bërë një sërë investigimesh në lidhje me pasurinë e familjarëve të Lulzim Bashës dhe konkretisht në lidhje me vjehrrin e Lulzim Bashës, shtetasin Xhaferr Isufi.

Ashtu siç kemi raportuar edhe më parë, CNA.al ka siguruar dokumentet ekskluzive, të cilat vërtetojnë se Lulzim Basha i ka dhënë dy leje ndërtimi në Tiranë ortakut të vjehrrit të tij, biznesmenit Xhuvi Sharrxhi. Të dyja lejet mbajnë firmën e Lulzim Bashës, gjatë kohës që ky i fundit drejtonte Bashkinë e Tiranës.

Njëra nga lejet e ndërtimit e dhënë nga Lulzim Basha për ortakun e vjehrrit të tij është për një pallat 9-katësh, ku përfshihen struktura banimi, shërbime të tjera dhe dy kate parkim nën tokë, në një nga zonat më të shtrenjta të kryeqytetit, në Rrugën e Elbasanit.

Në dokumentin i cili mban firmën e Lulzim Bashës, thuhet se  ?Plani i vendosjes së zonës që zhvillohet për strukturë banimi dhe shërbime 5, 7 dhe 9 kate me dy kate parkim nën tokë, në rrugën e Elbasanit me pronar Ilir Kokomiri, Haxhi Stringa, Fatrbardha Tushe, Beqir Stringa dhe Zhvillues,  Xhuvi Sharxhi me subjekt ndërtues Shoqëria ?2G? SH.P.K.  Sipërfaqja e tokës që zhvillohet 707 metër katëror, sipërfaqja e tokës së zënë 346 metër katëror.?

Gjithashtu mësohet se Lulzim Basha i ka dhënë ortakut të vjehrrit të tij edhe një leje ndërtimi në Rrugën Ali Demi.

Në dokumentin i cili po ashtu mban firmën e Lulzim Bashës, thuhet se ?Plani i vendosjes së zonës që zhvillohet për strukturë banimi dhe shërbime 2, 6, 7 dhe 8 kate me dy kate parkim nën tokë, në Rrugën Ali Demi në Tiranë në pronë të Xhuvi Sharxhi, Muhamet Cakaj, Dardan Derguti. Zhvillues: Xhuvi Sharxhi me subjekt ndërtues ?G-B-A Kontruksion? SH.P.K?.Sipërfaqja e Tokës që zhvillohet 912.3 metër katëror, ndërsa sipërfaqja e tokës së zënë 456 metër katëror.?

Pra, ajo çfarë Basha deklaroi si ?luftë? pa kompromis kundër ndërtimeve në Tiranë, në fakt rezultoi krejt e kundërta. Ndërtimet jo vetëm nuk u frenuan, por ju dhanë familjarëve të Bashës.

Xhuvi Sharxhi është ortaku i Xhafer Isufit, në kompaninë ?Xh&Xh 2010? SH.P.K,  sipas ekstraktit të QKB, kompani kjo e themeluar në vitin 2010 një vit përpara se Lulzim Basha të merrte detyrën e kryebashkiakut të Tiranës.

Ekstrakti historik tregon se Xhafer Isufi dhe Xhuvi Sharxhi janë ortakë në biznesin e ndërtimit në subjektin ?XH&XH?, e themeluar me 26/10/2010 dhe me aktivitet ?Investime ne fushen e ndertimit, turizmit dhe ne fusha te tjera, shitblerje pasuri te patundshme, prodhime inertesh? .

Por, jo vetëm Lulzim Basha i ka dhënë leje ndërtimi në Tiranë, vjehrrit të tij. Ne shkuam edhe më tej me investigimin tonë dhe zbuluam se edhe kryeministri Rama, gjatë kohës që ishte kryebashkiak i ka dhënë leje ndërtimi vjehrrit të Bashës.

Duke hetuar më tej në dokumentet zyrtare në QKB dhe duke bërë kërkime, na rezultoi se ka një tjetër pallat, ndërtuar nga subjekti ?XH&XH 2010?, me ortakë Xhuvi Sharxhi dhe Xhafer Isufi, e cila është tek ish-fusha e Aviacionit, leja për të cilin është dhënë nga Edi Rama.

Nga ana tjetër kujtojmë këtu edhe rastin e një pallati të ndërtuar në rërën e Vlorës, i cili u shemb nga qeveria ?Rama? dhe për të cilin shqiptarët do paguajnë mbi 16 milionë euro.

Edhe në këtë pallat janë ortakë Xhuvi Sharxhi dhe Xhafer Isufi, ortakëria e të cilëve përfiton pothuajse 90% të dëmshpërblimit që vendosi Strasburgu, pas shembjes së këtij pallati.

Këto janë vetëm disa nga akuzat, por CNA.al në ditët në vijim do të sjellë të tjera materiale dhe investigime në lidhje me pasurinë e kryetarit të PD-së, Lulzim Basha dhe familjarëve të tij./ CNA.al

Dokumentet ekskluzive/ Lulzim Basha i dha pallat ortakut të vjehrrit

Dokumentet ekskluzive/ Zbulohet leja e dytë e Bashës për ortakun e vjehrrit

Investigimi/ Edi Rama i dha leje ndërtimi vjehrrit të Bashës





Lajmet e fundit nga