web counter
LEXO PA REKLAMA!

SHKARKO APP

App Store
Google Play

E fundit!

x

Xhisiela Maloku u mohua nga institucionet shtetërore/ Tabaku konfirmon pjesëmarrjen në protestë

1 Tetor 2018, 09:49, Aktualitet CNA

Deputetja e Partisë Demokratike Jorida Tabaku nëpërmjet një postimi në rrjetet sociale, ka konfirmuar pjesëmarrjen e saj në protestën para Kryeministrisë, për dhunën ndaj Xhisiela Malokut.

Sipas saj, Maloku është trajtuar në mënyrë barbare dhe është mohuar nga institucionet shtetërore.

Ndër të tjera ajo ka shkruar se Shqipëria po vazhdon të degradojë përditë e më shumë në një humnerë kaosi dhe terrori.

Tabaku vazhdon më tej duke thënë, se arrestimi i djalit të deputetit u bë sa për të larë gojën.

Postimi i plotë

Sot do të jem në shesh në emër të Xhisielës dhe të krimit të shumëfishtë që i është kryer asaj. E përdhunuar dhe trajtuar në mënyrë barbare dhe më pas e shpërfytyruar dhe e mohuar nga institucionet shtetërore ajo personifikon tmerrin më të madh që kalojne shqiptarët sot ndërsa përballen me krimin që qeveris.

Do të jem në këtë protestë pasi një polic që vendosi të zbatojë detyrën për të cilen është betuar u kërcënua me pistoletë në kokë nga të inkriminuarit që sot kanë mbushur parlamentin në krahët e mazhorancës. Do të jem aty në protestë sepse qeveria dhe njehere qendroi ne krah te fortit me pushtet.

Shqipëria po vazhdon të degradojë përditë e më shumë në një humnerë kaosi dhe terrori.
Një gjendje e tillë është mbjellë nga përgjegjësit kryesorë të kësaj situate, mazhoranca. Tanimë është e pashmangshme dhe e pamohueshme që krerët e saj janë të përfshirë në akte të tilla vandale dhe të turpshme.

Askush nuk mund të shfajësohet me një arrestim sa për të larë gojën ndërsa ka heshtur për ditë e muaj të tërë.

Si një qytetare e përgjegjshme, si një deputete në shërbim të qytetarëve dhe të mirës sonë të përbashkët dhe mbi të gjitha si një nënë. Unë do të jem sot në 17.30 në protestën përballë kryeministrisë. /CNA.al





Lajmet e fundit nga