web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i djalit të deputetit/ Grupi i PS vendos për “fatin” e Rrahman Rrajës

1 Tetor 2018, 08:16, Aktualitet CNA

Grupi parlamentar i Partisë Socialiste është mbledhur sot, një ditë pas arrestimit të Rexhep Rrajas, djalit të deputetit Rrahman Rraja për përndjekje ndaj ish-dashurës Xhisiela Maloku.

Mësohet se gjatë mbledhjes pritet të diskutohet rreth ?fatit? të deputetit Rraja, në një kohë kur opozita ka kërkuar heqjen e imunitetit të tij.

Grupi parlamentar i PS u mblodh nën drejtimin e kryeministrit Edi Rama, i cili qëndroi në selinë rozë vetëm pak minuta, për t?ja lënë ?stafetën? Taulant Ballës.

Ditën e djeshme pak pas arrestimit të të riut, partitë opozitare reaguan, ndërsa kërkuan që të merreshin masa edhe për Rrahman Rrajan.

Kujtojmë këtu se ishte prokurorja Mirela Kapo që kërkoi dje nga gjykata e Krujës arrestimin e Rrajës. Gjykata pranoi kërkesën e saj dhe vendimi u ekzekutuar nga punonjësit e policisë. Rexhep Rraja akuzohet për dhunimin e ish-të dashurës. Vendimi i gjykatës vjen edhe pas administrimit të aktit të ekspertizës për të renë e dhunuar dhe e torturuar nga Rraja.

Ai tashmë do duhet të përballet me gjykatën për përndjekje ndaj të resë, e ndodhur që në muajt e verës por e mbajtur e fshehur. Shërbimi për Çështjet e Brendshme dhe ankesat nisi një hetim për veprimet e mosveprimet e policisë me këtë rast. Kur të plotësohen 72 orë Rexhep Rraja do të dal në gjykatë për masën e sigurisë.





Lajmet e fundit nga