E fundit!

22:56 Horoskopi

Horoskopi i ditës, e enjte 16 korrik 2026/ Parashikimi i yjeve për secilën shenjë

DASHI Kjo ditë sjell energji të lartë dhe dëshirë për të ...

Largimi i mjekëve/ KSSH: Pagat për bluzat e bardha të rriten deri në 2 mijë euro

1 Tetor 2018, 07:16, Aktualitet CNA

Konfederata e Sindikatave të Shqipërisë ka reaguar në lidhje me largimin mjekëve dhe infermierëve jashtë vendit, ndërsa thekson se me këtë ritëm pas pak vitesh rrezikojmë të mbetemi pa mjekë dhe shumica e spitaleve të rretheve do mbyllen përfundimisht.

Në një deklaratë për mediat, KSSH shprehet se vetëm 2 vitet e fundit janë larguar nga Shqipëria rreth 400 mjekë.

?Konfederata e Sindikatave të Shqipërisë ka ngritur një grupe punë me mjeke dhe ekspertë ekonomie dhe do ti dërgojë qeverisë një paketë propozimesh, ku përfshihen rritja e pagave deri në 2 mijë euro në muaj për mjekët dhe paga deri në 1 mijë euro në muaj për infermierët. ?-thuhet ndër të tjera në deklaratën e KSSH.

Deklarata e plotë:

Konfederata e Sindikatave të Shqipërisë shikon me shqetësimin largimin mjekëve dhe infermierëve jashtë vendit, teksa nëse fenomeni vijon me këtë ritëm pas pak vitesh rrezikojmë të mbetemi pa mjekë dhe shumica e spitaleve të rretheve do mbyllen përfundimisht.

Vetëm 2 vitet e fundit janë larguar nga Shqipëria rreth 400 mjekë, e kjo shifër duhet të alarmojë shtetin shqiptar dhe asnjë faktor nuk duhet të qëndrojë indiferent, përfshirë këtu opozitën, që nuk duhet të mjaftohet me deklarata nga selia por të paraqesë në komisione propozime konkrete.

Masat e marra nga qeveria nuk kanë rezultuar efikase, ndaj Konfederata e Sindikatave të Shqipërisë i bën apel Ministrisë së Shëndetësisë të ndjeke shembullin e vendeve si Bullgaria apo Rumania dhe Turqia, vend i cili është kthyer sot në simbol të zhvillimit të sektorit të shëndetësisë, falë ndërhyrjes së shtetit.

Pak vite më parë këto vende u përballen më largim në masë të mjekëve dhe infermierëve dhe vendosën rritjen e pagave për infermierët dhe mjeket.
Ndërkohë edhe fqinjët tanë, Maqedonia Mali i zi por edhe Serbia po ndjekin të njëjtën praktike kanë nisur rritjen e pagave për njerëzit e sektorit të shëndetësisë, me synim frenimin e largimit të kapaciteteve shëndetësore.

Konfederata e Sindikatave të Shqipërisë ka ngritur një grupe punë me mjeke dhe ekspertë ekonomie dhe do ti dërgojë qeverisë një paketë propozimesh, ku përfshihen rritja e pagave deri në 2 mijë euro në muaj për mjekët dhe paga deri në 1 mijë euro në muaj për infermierët.

Qeverisë do ti propozohet rritja e mbështetjes për specializimet jashtë vendit, si dhe mundësimi i bursave në universitetet e mjekësisë në vendet e BE për nxënësit ekselent.

Kjo është e vetmja forme për të parandaluar arratisjen e mjekëve dhe nxitjen e të rinjve për të ndjekur Universitetin e Mjekësisë.
Një i ri nuk ka përse të investoje 10 vite nga jeta e tij për të përfunduar këtë fakultet e në fund të marrë një pagë prej 400 eurosh, e në shumë raste të trajtohet e dhunohet si nga individë dhe nga institucione shtetërore.

Pagat e larta janë i vetmi mekanizëm për të mbajtur në këmbë sistemin e shëndetësisë, pasi nëse do largohen mjekët, kostoja për marrjen e mjekëve të huaj do jetë e papërballueshme për buxhetin e shtetit tonë.
Sa kohë është vendosur që për njerëzit e sistemit të drejtësisë do ketë paga të standarteve evropiane përse të mos kenë edhe mjekët shqiptarë paga të të njëjtit standart.

Rritja e pagave për bluzat e bardha do pasohej më një reformim të sistemit shëndetësor, pasi do të ulej ndjeshëm korrupsioni dhe do rriteshin investimet.
Janë me miliona euro që qeveria heq nga buxheti për makina luksoze, mobilime zyrash për shumë institucione që nuk janë funksionale dhe një sektor jetik për shoqërinë e ka lënë në mëshirë të fatit.