E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

"Le ta mbështesë Qeveria e kriminelëve"/ Ish-ministri i Ramës akuza Prokurorisë

1 Tetor 2018, 08:25, Aktualitet CNA

Ish-Ministri i Drejtësisë në qeverinë Rama 1, Ylli Manjani, ka reaguar pas arrestimit të djalit të deputetit socialist, Rrahman Rraja, i cili akuzohet për dhunë ndaj shtetases Xhisiela Maloku.

Në një postim në rrjetet sociale, Manjani ka lëshuar akuza të forta ndaj Prokurorisë, duke shkruar se organi i akuzës nuk duhet mbështetur, pasi i përket qeverisë së kriminelëve dhe dhunuesve.

Ndër të tjera ish-ministri ka thënë se Prokuroria ndërmorri veprime, vetëm pasi çështja u bë publike.

Më tej Manjani ka thënë se Prokuroria do të meritonte mbështetje, vetëm pasi të sqarojë disa çështje.

Postimi i plotë

?Asnjë fjalë mbështetëse për Prokurorinë?- ankohet Kryeministri për opozitën.

Po për çfarë u dashka mbështetur Prokuroria Politike e Tij?! Që arrestoi (me vendim gjykate) djalin e deputetit (i partisë-shtet) 2 muaj pas ngjarjes?!

Apo që u detyrua të ndërmerrte veprime vetëm pasi çështja u bë publike! Për këtë duhen thënë ?fjalë të mira??!

Jo jo, Prokuroria duhet të japë spjegime publikut mbi këto pyetje:

1. Përse nuk e arrestoi djalin e deputetit që në Korrik kur e dhunoi vajzën?

2. Përse nuk janë sot pas hekurave ata punonjës të policisë Krujë që punuan për ta zhdukur këtë çështje?

3. Përse nuk kanë filluar hetimet për vrasje të mbetur në tentantivë , ose së paku për kanosje për shkak të detyrës për oficerin Emiljano Nuhu?

4. Kur do të thirren për dëshmi Deputeti, Taulanti dhe Kryeministri? Ky i fundit duhet të spjegojë deklarimin publik ?do ta ndjekim këmba këmbës këtë horr?…

5. Përse Fatmir Xhafaj dhe Ardi Veliu nuk ju përgjigjen thirrjes për ndihmë të punonjësit të policisë Emiliano Nuhu, që ndihej i kanosur?

6. Kush po e ndjek Policin e larguar nga vendi? Kush e fotografoi në vendndodhjen e re? Kush ja dërgoi foton gazetarit për ta bërë publike? (Ky i fundit sigurisht nuk ka përgjegjësi) Me ç?urdhër nëse ndjekja është bërë nga organet e sigurisë?

Pasi të kryejë veprime për të sqaruar këto çështje, do të mund të meritonte mbështetje Prokuroria e Shtetit.

Për momentin ajo është Prokuroria e Pushtetit, ndaj le të mjaftohet me mbështetjen e qeverisë së kriminelëve dhe dhunuesve! /CNA.al