web counter
LEXO PA REKLAMA!

SHKARKO APP

App Store
Google Play

Rrëfimi i Xhisielës jo i vërtetë/ Zbardhen prapaskenat

1 Tetor 2018, 21:42, Aktualitet CNA

Kreu i opozitës, Lulzim Basha ka reaguar pas rrëfimit të Xhisiela Malokut, për denoncimin ndaj djalit të deputetit socialist, Rrahman Rraja.

Basha ka shkruar në rrjetet sociale, se është tronditëse të shohësh një të mbijetuar të torturës ta mohojë një gjë të tillë.

Sipas kreut të opozitës, Xhisiela me rrëfimin e saj mbrojti veten dhe familjen.

Ndër të tjera Basha ka akuzuar deputetin socialist, Rrahman Rraja, duke thënë se është pjesë e një prej bandave kriminale që sundojnë dhe terrorizojnë Shqipërinë.

Postimi i plotë

Është tronditëse të shohësh një të mbijetuar të përdhunimit dhe të dhunës të mohojë përdhunimin dhe torturën për të mbetur gjallë!
Xhisiela e di shumë mirë se çfarë kriminelësh gjakftohtë dhe të pamëshirshëm janë ata, ai që e përdhunoi dhe ata që e mbrojnë përdhunuesin, ndaj ajo bëri sot atë që bën çdo njeri i tmerruar që kërkon të mbijetojë: mbrojti veten dhe familjen e saj.
Rrahman Rraja është pjesë e një prej bandave kriminale që sundojnë dhe terrorizojnë Shqipërinë. Sot në Shqipëri nuk ka më as polici, as prokurori, as drejtësi as parlament. Parlamenti dhe drejtësia kanë rënë, dhe në vend të tyre sundon banda e Ramës, Rrajëve, Habilajve, Bajrëve, Shullazëve me shokë. /CNA.al





Lajmet e fundit nga