E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Dikur përfaqësuese të Miss Universe Albania, ku janë sot modelet shqiptare?

1 Tetor 2018, 07:40, Lifestyle CNA

Miss Universe është një ndër kompeticionet më të njohura të bukurisë. Ka rreth 66 vite që organizon konkurse me pjesëmarrës nga e gjithë bota. Pjesë e saj është bërë dhe Shqipëria në vitin 2002. Bukuroshet tona na kanë përfaqësuar denjësisht. Por çfarë bëjnë ato tani?

2002- Anisa Kospiri

Ishte e para përfaqësuese e Shqipërisë, dhe atëherë 22 vjeç ajo arriti të klasifikohej në ?TOP 10? të konkursit ndërkombëtar. Ajo bëri një rikthim në vitin 2016 si anëtare e jurisë e ?Miss Universe?, por nuk ka qenë më pjesë e televizionit shqiptar. Tashmë ajo ka një post drejtues në një kompani të huaj në Shqipëri.

2003- Denisa Kola

Studente e ekonomikut, Denisa fitoi kurorën në Shqipëri dhe konkurroi në Miss Universe dhe Miss World. Tani ajo është shkëputur nga bota e televizionit plotësisht dhe jeton jashtë Shqipërisë.

2005- Agnesa Vuthaj

Ajo kishte fituar Miss Kosova në 2003 dhe më pas përfaqësoi Shqipërinë në 2004. Nuk ka hequr dorë nga modelingu dhe televizioni, por tashmë është më shumë se aq. Agnesa është një biznesmene, e njohur në të gjithë botën për dizenjimin e koleksioneve të çantave. Njëkohësisht ajo është dhe aktiviste në shoqata të ndryshme dhe ka marrë disa tituj nderi.

2006- Eralda Hitaj

Missi me tipare të veçanta, pas konkursit, vazhdoi të qëndronte në televizion si prezantuese. Por më pas, ajo hoqi dorë nga karriera e saj në këtë fushë. Tashmë është mama e një djali 4 vjeçar dhe jeton e punon në Gjermani.

2007- Sadina Alla

Bjonde me një bukuri të pakrahasueshme, Sadina na përfaqësoi në konkursin e zhvilluar në Meksikë. Ndoshta nuk e dini, por ajo tani është bashkëshortja e aktorit të ?Portokallisë?, Florian Binaj dhe së bashku kanë një histori shumë vjeçare dashurie që në lice. Ata janë dhe prindër të dy fëmijëve.

2008- Matilda Mecini

Matilda ishte pjesë dhe e 10 më të mirave për çmimin ?Best National Costume?. Ajo nuk ka hequr dorë nga televizioni pasi e kemi parë si prezantuese në disa emisione, kryesisht tek ?Quiz Show? në News24. Gjithashtu, ajo ështe dhe një mama shumë e përkushtuar.

2009- Hasna Xhukiçi

Ajo është një ndër misset që na kanë përfaqësuar më denjësisht sepse u klasifikua në 15 më të mirat. Ajo pati menjëherë shumë sukses duke nënshkruar kontrata në Kinë, Francë, Itali dhe Spanjë. Duhet përmendur dhe kontrata me kompaninë ?Trump? dhe sfilata e Sherri Hill. Tani nuk dihet asgjë për të, e duket sikur është larguar pa nam e nishan.

2010- Angela Martini

Të gjithë e dimë se është një ndër modelet më të suksesshme shqiptare. Në Miss Universe u bë pjesë dhe e 10 më të mirave, ndërsa tani numëron 419 mijë ndjekës në Instagram. Ajo ka lançuar dhe linjën e saj të bikini dhe tashmë është e martuar me Dragos Savulescu, miliarderin rumun.

2011- Xhesika Berberi

Shumë e re dhe e bukur? Ajo jeton në Shtetet e Bashkuara dhe ka qenë imazh i shumë kompanive të mirënjohura dhe pasarelave të shumta.

2012- Adrola Dushi

Mikesha e ngushtë e Xhesikës, i është bashkuar asaj në USA. Ajo është bërë mama e një djali të mrekullueshëm, Troi. Por kjo nuk e ka penguar të jetë një modele e suksesshme dhe ne shpresojmë ta shohim shumë gjatë në sete fotografike dhe kopertina.

2013- Fioralba Dizdari

Fioralba u tërhoq nga konkursi i Miss Universe, në shenjë solidarizimi për përfaqësuesen nga Kosova, pasi asaj nuk i lejohej të merrte pjesë. Kjo sepse Rusia nuk e njihte si shtet të pavarur. Pavarësisht mos pjesëmarrjes, ajo vazhdoi me modelingun jashtë trojeve të vendit tonë, dhe momentalisht është prezantuese e motit pranë ABC News.

2014- Zhaneta Byberi

Zhaneta na përfaqësoi në Miss Universe të zhvilluar në Nevada. Ajo më pas vazhdoi të merrte pjesë në kopertina dhe sete fotografike. Gjithashtu ka marrë pjesë si trajnere në edicionet e tjera të Miss Universe Albania. Ka punuar dhe si drejtore artistike në ?Talelli Production?.

2015- Megi Luka

Të gjithë e njohim Megin si një imazh të pangatërrueshëm në modelingun shqiptar. Nën menaxhimin e Endrit Mërtirit, ajo angazhohet vazhdimisht në projekte ndërkombëtare, ku nuk mund të lemë pa përmendur të qenit modele për ?Tarik Ediz? për të disatën herë.