E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Pse vonoi arrestimi i Rexhep Rrajës/ Deputeti zbardh prapaskenat

30 Shtator 2018, 16:58, Aktualitet CNA

Deputeti i LSI, Shezai Rrokaj ka reaguar pas arrestimit të djalit të deputetit socialist, Rrahman Rraja.

Në një postim në rrjetet sociale, Rrokaj ka shkruar se policia veproi, vetëm pasi kryeministri Edi Rama e ndëshkoi veprimin.

Sipas tij, kthesa e Ramës erdhi pas denoncimit të oficerit Emiljano Nuhu, të cilin Rama e quajti horr, pasi i plasi ?bombën? në shtëpinë e tij politike.

Më tej Rrokaj ka shtuar se arrestimi i Rexhep Rrajës, tregoi se Nuhu nuk është horr dhe se Rama do të ndëshkohet vetëm prej të vërtetave.

Postimi i plotë

Çdo gjë është e qartë, ky kryeministër do të ndëshkohet vetëm prej të vërtetave dhe kur të gjithë bëhen bashkë në mbrojtje të tyre!

Arrestimi i djalit të deputetit Rrahja për ushtrim dhune dhe përndjekje tregoi se, sikundër provoi edhe ekspertiza mjekësore, ai duhej ndaluar për veprën në fjalë, qysh në momentin e denoncimit. Njëkohësisht, arrestimi tregoi se Emiliano Nuhu, për këtë çështje, nuk është ?horr?, sikundër e cilësoi në mënyrë të padenjë dje kryeministri, por një punonjës policie që guxoi të thotë të vërtetën për këtë çështje.

Arrestimi shpërfaqi gjithashtu para shqiptarëve se policia ishte dashur të vepronte, kur viktima e dhunuar ishte drejtuar në disa komisariate policie dhe autoriteteve të larta dhe ato nuk kishin vepruar, pasi nuk ka nevojë të jesh ekspert për të kuptuar se gjëja e parë që duhej të bënte policia ishte ekspertiza mjeko-ligjore dhe të vepronte si tani qysh prej denoncimit të parë, pa pritur reagimin e nënkomisarit dhe atë politik e publik, e ca më pak prononcimin e kryeministrit, që na thotë se gjoja nuk ishte ?në dorën e tij?.

Enigma e mosveprimit nga ana e policisë la të kuptohej qartë se ka vetëm një njeri që komandon gjithçka dhe ky është kryeministri, i cili me ?të ndëshkuar? aktin e dhunës, policia u vu në lëvizje dhe bëri ndalimin. Kjo ?kthesë? e kryeministrit erdhi pas denoncimit të nënkomisar Nuhut, të cilin prej marazit, se duke bërë detyrën ia plasi ?bombën? në shtëpinë e tij politike, e quajti ?horr?, dhe sidomos prej reagimit frontal të gjithë opozitës, dhe një pjese të medias dhe shoqërisë civile.

Një gjë është e qartë, ky kryeministër do të ndëshkohet vetëm prej të vërtetave dhe kur të gjithë bëhen bashkë në mbrojtje të tyre. /CNA.al