web counter
LEXO PA REKLAMA!

SHKARKO APP

App Store
Google Play

Kërcënoi oficerin e policisë/ LSI kërkon hetim për Ramën

30 Shtator 2018, 16:22, Aktualitet CNA

Lëvizja Socialiste për Integrim,  ka reaguar në lidhje me qëndrimet e qeverisë ndaj ngjarjes së Fushë-Krujës, ku djali i deputetit socialist Rrahman Rraja, akuzohet se ka dhunuar Xhisiela Malokun.

LSI i ka bërë thirrje Prokurorisë, që të nisë hetimet për kryeministrin Edi Rama, i cili sipas tyre ka kanosur oficerin e policisë, Emiljano Nuhu, vetëm sepse tregoi të vërtetën.

Ndër të tjera LSI ka kërkuar hetim për të gjithë personat që kanë influncuar në pengimin e hetimeve,  qofshin këta deputetë, prokurorë apo drejtues policie.

Deklarata e plotë

Lëvizja Socialiste për Integrim dënon rrepte qëndrimin e Kryeministrit dhe qeverisë si promovues dhe mbrojtës të dhunës dhe krimit në vend.

Të hetohet sjellja skandaloze e shtetit në raport me nënkomisarin Emiljano Nuhu dhe roli i çdo personi me detyrë shtetërore që ka influencuar negativisht e ka penguar në ushtrimin e detyrës të z.Nuhu.
Të hetohet nga prokuroria shpërdorimi i detyrës nga Kryeministri Edi Rama që ka kërcënuar e kanosur publikisht z.Emiljano Nuhu vetëm sepse ai denoncoi të vërtetën e fshehur nga shteti.

LSI është e vendosur të luftojë deri në fund për zbardhjen e këtyre të vërtetave të cilat janë tashmë para syve të çdo shqiptari.

Qeverinë e zhytur deri në grykë nuk e shpëton dot asgjë dhe opozita së bashku me qytetarët do ta thonë shumë fort fjalën e tyre kundra përdhunuesve e mbështetësve të krimit të veshur me pushtet. /CNA.al

 





Lajmet e fundit nga