web counter
LEXO PA REKLAMA!

SHKARKO APP

App Store
Google Play

E fundit!

x

Zjarret në muajt e verës/ Xhaçka: Përgjegjësit do të dalin para ligjit

28 Shtator 2018, 09:41, Aktualitet CNA

Ministrja e Mbrojtjes Olta Xhaçka me anë të një deklarate për mediat, ditën e sotme ka informuar mbi situatën e zjarreve në vend.
Ministrja shprehet se gjatë 17 ditëve ka pasur 91 vatra zjarri, dhe se mbrojtja dhe reduktimi i faktorëve të Emergjencave Civile është prioritet i qeverisjes së vendit.

?Ministria e Mbrojtjes dhe Drejtoria e Përgjithshme e Emergjencave Civile organizuan punën me strukturat e pushtetit vendor për të marrë masat për përballimin e situatës së zjarreve gjatë muajve të verës.
Risia e masave të marra për organizimin, gjatë këtij viti ishte edhe pajisja e helikopterëve Cougar me kova me kapacitet 2500 litra ujë secila, për shuarjen e zjarreve.
Testin e parë real këto mjete e patën në shuarjen e zjarrit në pyllin e Semanit dhe rezultati ishte ai që prisnim. Ndërhyrja ishte efikase dhe zjarret u arritën të dominoheshin plotësisht dhe në një kohë shumë të shkurtër. Tërësia e këtyre masave organizative, bëri që ky sezon veror të kalojë pa vatra zjarresh masive, ashtu siç pothuajse kish ndodhur në gjithë vitet e shkuara.
Sot, e kam thirrur kete konference per shtyp per te ndare me ju dhe me publikun nje shqetesim ne lidhje me situaten e zjarreve te fund shtatorit.
Tashmë, kur jemi në stinën e vjeshtës dhe temperaturat kanë rënë ndjeshëm, ne po ndeshemi me një fenomen sa paradoksal, aq edhe kriminal, me zjarret që po përfshijnë kullotat dhe tokat bujqësore.
Të dhënat tona, tregojnë për një rritje shqetësuese të zjarreve në këtë periudhë. Vetëm në harkun kohor 10-27 Shtator janë verifikuar, gjithsej 91 vatra zjarri, prej të cilave janë djegur një sipërfaqe prej 262 ha kullotë, shkurre, livadh, pyje, pemëtari, tokë bujqësore, bazë ushqimore për bagëtinë etj. Janë djegur 1162 rrënjë ulliri të vjetër dhe të rinj?, shprehet ministrja.





Lajmet e fundit nga