E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Policia blindon Lushnjen/ Çfarë ndodhi gjatë natës?

28 Shtator 2018, 08:46, Aktualitet CNA

Policia e Lushnjës mbrëmjen e djeshme ka kryer kontrolle të befasishme në qytet.

Nga kontrollet e ushtruara në lokalet e natës, u godit një rast i shpërndarjes së drogave të forta si dhe u sekuestruan 12 doza me lëndë narkotike kokainë. Pronari i lokalit u arrestua në flagrancë.

Për verifikim u shoqëruan 12 persona.

Njoftimi i policise:

Në vijim të zbatimit të planit të masave për “Kontrollin e territorit, parandalimin e ngjarjeve kriminale dhe kapjen e autorëve të ndryshëm të veprave penale”, gjatë mbrëmjes së djeshme Strukturat e Drejtorisë Vendore të Policisë Fier të mbështetura nga FNSH Fier kanë kryer kontrolle të befasishme në qytetin e Lushnjes.

Nga kontrollet e ushtruara në lokalet e natës, u godit një rast i shpërndarjes së drogave të forta.

U sekuestruan 12 doza me lëndë narkotike Kokainë, arrestohet në flagrancë pronari i lokalit.

Gjatë kontrolleve në lokalet e natës nga FNSH dhe policia lokale u shoqëruan për verifikim 12 persona.

Në vijim të punës për kapjen e personave në kërkim, të atyre që qarkullojnë me armë zjarri apo që tentojnë të shpërndajnë lëndë narkotike, u bë i mundur arrestimi në flagrancë i shtetasit:

Arrestimi i këtij shtetasi u bë pasi në lokalin “Bar lloto” në pronësi të tij në qytetin e Lushnjes, u gjetën të fshehura në një vend të përshtatur në mur 12 doza lëndë narkotike të dyshuara Kokainë.

Në cilësinë e provës materiale u sekuestrua edhe një shkop gome i ngjashëm me atë që përdorin punonjësit e policisë.

Në bashkëpunim me Prokurorinë e Rrethit Gjyqësor Lushnje po bëhet sekuestrimi i lokalit të përshtatur për shpërndarje të lëndëve narkotike.

Gjithashtu u procedua penalisht në gjendje të lirë shtetasi D.M, 25 vjeç pasi gjatë kontrollit fizik ju gjetë 1 dozë me lëndë narkotike Cannabis Sativa.

Materialeti kaluan Prokurorisë pranë Gjykatës së Shkallës së Parë Lushnje për veprën penale “Përshtatja e lokalit për përdorim droge”, “Prodhimi dhe shitja e lëndëve narkotike” dhe “Prodhimi, mbajtja, blerja apo e shitja e armëve të ftohta” parashikuar nga Nenet 285/a, 283/1 dhe 279 të Kodit Penal.