web counter
LEXO PA REKLAMA!

SHKARKO APP

App Store
Google Play

Aksioni policor në Fier/ Bien në pranga 5 shtetas

27 Shtator 2018, 10:08, Aktualitet CNA

Policia e Fierit me mbështetjen e FNSH Fier, kanë kryer disa kontrolle për parandalimin e ngjarjeve kriminale dhe kapjen e autorëve të ndryshëm të veprave penale.

Si pasojë e këtij kontrolli janë arrestuar 5 shtetas, ku njëri prej tyre është proçeduar në gjendje të lirë dhe një tjetër është shpallur në kërkim.

Njoftimi i Policisë:

Vijon zbatim i planit të masave për “Kontrollin e territorit, parandalimin e ngjarjeve kriminale dhe kapjen e autorëve të ndryshëm të veprave penale”.

Në zbatim të këtij plani, Strukturat e Drejtorisë Vendore të Policisë Fier të mbështetura nga FNSH Fier kanë kryer kontrolle të befasishme.

Kontrollet  janë kryer në lokale nate, ambiente të ndryshme dhe në akset rrugore të qytetit të Fierit, Patosit e Roskovecit.

Kontrollet për kapjen e personave në kërkim, të atyre që qarkullojnë me armë zjarri apo që tentojnë të shpërndajnë lëndë narkotike.

Si rezultat i kontrrolleve janë arrestuar 5 shtetas, 1 është proceduar në gjendje të lirë dhe 1 tjetër  është shpallur  në kërkim.

Po gjatë kontrolleve u shoqëruan për verifikim 13 persona kryesisht me precedent penal të dyshuar për “Shpërndarje të lëndëve  narkotike” dhe për “Vjedhje”.

Gjatë kontrolleve u kapën dhe u  arrestuan në flagrancë 4 shtetas të cilëve gjatë kontrollit fizik nga shërbimet e Policisë iu gjetën doza lëndë narkotike të dyshuara Cannabis Sativa, konkretisht shtetasit:

Gjithashtu, u kap  shtetasi i shpallur në kërkim:

Po në kuadër të kontrolleve të lokaleve, filloi procedimi penal për shtetasin:

Kontrollet do vijojnë në gjithë Qarkun e Fierit për parandalimin dhe goditjen e paligjshmërisë, me qëllim rritjen e parametrave të sigurisë.

Policia e Fierit falënderon qytetarët për mirekuptimin dhe mbështetjen dhe i fton ata të denoncojnë në numrin 112 çdo shkelje të ligjit duke u garantuar ruajtjen e anonimatit si dhe një reagim në kohë të Policisë./CNA.al





Lajmet e fundit nga