Pse Lulzim Basha ka lajthitje në objekt për biznesin?!

27 Shtator 2018, 08:33, Aktualitet CNA

Kryetari i Partisë Demokratike, Lulzim Basha prej disa kohësh ka zhvilluar termin ?oligark? për biznesin e madh në Shqipëri. Ky term që e përdori disa kohë më parë, e harroi për pak kohë dhe e riktheu sërish, pasi CNA.al dhe disa media të tjera publikuan dosjen e xhiros së kunatit me bizneset e tij në marrëdhënie me disa kompani private, por edhe disa leje ndërtimi të firmosura nga vetë Basha, në kohën kur ishte kryebashkiak i Tiranës, për ortakët e vjehrrit të tij.

Pra, në momentin që media po bënte transparencën morale të Lulzim Bashës, i cili kërkonte Vetting në politikë vetëm për lidhjet me krimin dhe jo për pasuritë, Basha reagoi dhe publikoi emrat. I nxituar dhe i tensionuar në një qëndrim të shpejtë, thjeshtë dhe vetëm për të thënë se ai nuk kishte frikë të përmendte emra biznesmenësh të mëdhenj.

Lëvizja politike e tij në nxitim e sipër solli jo pak pasoja. Solli, ashtu siç ndodh gjithmonë me Lulin, gafa. Solli qëndrime regresive të kryetarit të PD-së. Tregoi se është një politikan i paqëndrueshëm dhe pa një aks politik. Një njeri që lëviz në panik dhe që mund të bëjë gjithçka, thjeshtë dhe vetëm sepse mediat po publikojnë disa lajme për të.

Ai doli e sulmoi biznesin. Kërkcënoi me sekuestrime si në vitin ?46. Kërcënoi me marrje parash dhe shkatërrim a thua se problemi ishin biznesmenët, ata që ai i quan oligarkë.

Përmendi një listë me emra biznesmenësh të cilët kishin marrë koncesione nga Partneriteti Publik-Privat, por të cilët kanë 30 vjet që operojnë në treg, të cilët kanë të punësuar gjeneratorin kryesor të ekonomisë shqiptare. Qindra-mijëra punonjës janë pjesë të këtyre bizneseve.

Gjithësesi duke lënë mënjëanë ata, sepse këtë pjesë e zgjidhin vetë, nuk na takon neve, mund të themi se Lulzim Basha ka një lajthitje në objekt në aktin e tij politik.

Pse mund të quhet një lajthitje në objekt? Pse mund të quhet një ngatërrim adrese?

Sepse në vend që të drejtojë gishtin tek qeveria, ai drejton gishtin tek biznesi. Në vend që t?i kthehet kundërshtarit të tij politik Edi Ramës, të cilin në fakt në të vërtetë e ka partner, ai nuk e tregon atë me gisht dhe të thotë se do sekuestrojë pasuritë e Ramës dhe të gjithë politikanëve të tij kur të vijë në pushtet.

Ai nuk thotë se do të çojë para drejtësisë dhe do të gjejë çdo para të shqiptarëve të vjedhura nga politikanët, të fshehura në offshore, apo në biznese, të cilat do të hetohen, më pas do t?ju sekuestrohen dhe ata do të dënohen.

Por, ai kërcënon dhe i drejtohet biznesit. Prandaj, Lulzim Basha ka një lajthitje në objekt. Ka një lajthitje në objekt sepse ai nuk mund ta kërcënojë Edi Ramën për pasuritë e familjes së tij dhe paratë që ai ka fituar, sepse Edi Rama lehtësisht mund t?i hapë dosjen.

Ashtu siç po ndodh pas publikimeve tona, socialistët u kujtuan të sulmojnë Lulzim Bashën, të cilin kishin katër vjet që nuk e zinin në gojë dhe së bashku, Luli po me qeverinë, po me Edi Ramën, familjarët bënin para dhe rrisnin xhiron me miliona euro të biznesit të tyre me paratë që vinin nga qeveria.

Prandaj, Lulzim Basha ka një lajthitje në objekt. Ai i është drejtuar biznesit dhe i është vërsulur si bishë, ndërkohë që nuk ka kurajo të dalë e të protestojë dhe t?i vërsulet si bishë jo biznesit, por qeverisë. Ti vërsulet si bishë ministrave dhe kryeministrit. Por, ai nuk ka kurajo, nuk e bën këtë. Ai është ortaku i kryeministrit. Ai ka frikë nga kryeministri. Ai do të ndajë pazaret me kryeministrin. Ai do të bëjë që bizneset e tij dhe familjes së tij të rriten dhe ato të mos kontrollohen kurrë. Ai do të vazhdojë miqësinë e tij me kryeministrin dhe përtej çdo loje që bën në publik, duke ?kërcitur dhëmbët? ndaj biznesit, a thua se është kryetar i një partie komuniste apo marksiste që pritet të vijë së shpejti në pushtet me revolucion. Lulzim Basha turpësisht bën sikur nuk kupton dhe lajthitjen në objekt e ka të qartë edhe vetë. Por, çfarë të bëjë? Është i dorëzuar pa kushte përpara Edi Ramës. E kur s?ke ç?ti bësh gomarit, i bie samarit./CNA.al

Zbulohen oligarkët e Lulzim Bashës?!/ Miliarda lekë në bizneset e kunatit

A do t?i kontrollojnë tatimet kompanitë me miliona dollarë të Lulzim Bashës ?!