web counter
LEXO PA REKLAMA!

SHKARKO APP

App Store
Google Play

Vjen përgjigja për "Babalen“/ Ekspertët: Materiali nuk ishte origjinal

26 Shtator 2018, 18:16, Aktualitet CNA

Përgjigja e ekspertizës për audio-përgjimin e publikuar nga Partia Demokratike, për vëllain e Ministrit të Brendshëm, Fatmir Xhafaj ka mbërritur në Prokurorinë e Përgjithshme.

Ekspertët angelzë thonë se nuk mund të shprehen për vërtetësin e plotë të audio-përgjimit, pasi materiali nuk ishte origjinal dhe ka pasur ndërhyrje.

Sipas burimeve të Ora Neës, ekspertët kanë konstatuar se materiali ka pasur shkëputje dhe ndërhyrje të zërave.
Përgjigja e ekspertizës nuk ka mbërritur akoma në Prokurorinë e Krimeve të Rënda, pasi po bëhet përkthimi nga anlglishta i përgjigjes.

Ndërkohë krahas përgjigjes nga ekspertët e huaj, organi i akuzës ka marrë edhe rezultatet e qelizave telefonike të personave të përfshirë në audio-përgjim.

Rasti në fjalë është një denoncim i publikuar nga Partia Demokratike disa muaj më parë, ku gazetari Jetmir Olldashi kishte të dhëna se vëllai i ministrit Xhafaj, Agron Xhafaj kishte lidhje me tregtinë e drogës.

Për të vërtetuar këtë, Olldashi kishte infiltruar Albert Veliun, një person të njohur në Vlorë me emrin Babale.
Ai ka pretenduar se biseda është bërë në lokalin e Agron Xhafajt në Vlorë, ku ky i fundit kishte pranuar të ndihmonte Babalen për një ngarkesë kanabisi drejt Italisë.

E gjithe biseda është kundërshtuar menjeherë nga vëllai i Ministrit të Brendshëm, i cili ka mohuar të ketë qenë ai në bisedë.

Agron Xhafaj bëri një kallzim në Prokurorinë e Tiranës, ndërkohë që menjëherë u vetëdorëzua në Itali për të vuajtur dënimin e dhënë atje ndaj tij. /CNA.al





Lajmet e fundit nga