web counter
LEXO PA REKLAMA!

SHKARKO APP

E fundit!

x

Marrëveshja me Serbinë/ Thaçi kërkon të “heqë qafe” Kuvendin

20 Shtator 2018, 17:22, Aktualitet CNA

Presidenti i Kosovës, Hashim Thaçi po kërkon të mbyllë i vetëm marrëveshjen me Serbinë për korrigjimin e kufijve.

Gazeta Express ka mësuar se Thaçi i ka dërguar një dokument Gjykatës Kushtetuese, ku i ka kërkuar ratifikimin e marrëveshjes pa e kaluar më parë në Kuvend.

Në këtë mënyrë, presidenti i Kosovës sfidon Gjykatën Kushtetuese për interpretimin e nënit 18 të Kushtetuës, që ka të bëjë me marrëveshjet ndërkombëtare.

?Në rastin konkret, në mënyre që t?i mundësohet Presidentit të ndërmarrë hapat e mëtejmë, kërkohet interpretimi i nenit 18 të Kushtetutës, në atë mënyrë që të qartësohet kjo dispozitë kushtetuese se Letrat e shkëmbimit të vitit 2018 në mes të Presidentit dhe Përfaqësues së lartë të Bashkimit Europian për Punë të Jashtme të Politika të Sigurisë. A ka nevojë të ratifikohen nga Kuvendi i Republikës së Kosovës apo ratifikohen pas nënshkrimit nga Presidenti?, shkruan Presidenti në kërkesë.

Kërkesa e Thaçit për interpretimin e nenit 18 u është dërguar edhe deputetëve të Kuvendit të Kosovës, të cilët kanë të drejtë t?i japin komentet e tyre jo më vonë se 28 shtatori. /CNA.al





Lajmet e fundit nga