Thellohet skandali/ Sekti mister ku bën pjesë Gjiknuri “transferohet” në Tiranë

20 Shtator 2018, 07:47, Aktualitet CNA

Dy ditë më parë, një nga portalet online, ?Hashtag? raportoi se ministri i Infrastrukturës dhe Energjisë, Damian Gjiknuri, rezulton anëtar aktiv i një sekti të paqartë dhe të dyshimtë, i drejtuar nga një guru indian i quajtur Paramahamsa Vishwandanda.

Sipas shkrimit në fjalë, ministri Gjiknuri është përpjekur ta mbajë të rezervuar përkatësinë e tij në sekt, ndonëse bashkëshortja e tij, zonja R. Agolli ka publikuar me dhjetëra foto/video të sektit, sidomos gjatë aktiviteteve që zhvillohen jashtë vendit.

Në këtë shkrim shkohet edhe më tej, ndërsa theksohet se përkatësia e ministrit Gjiknuri në këtë sekt është bërë dhe objekt i vëmendjes së shërbimeve inteligjente.

Vetë ministri mban në dorë një byzylyk, që është simbol i sektit (foto vijuese):

Gjithashtu më herët ministri kishte vendosur si foto profili në Whatssap një foto të ambienteve të shtëpisë së tij gjatë festës së Vitit të ri, ku në mur vihet re një kornizë me foton e pseudo-predikuesit.

Ajo që e bën të dyshimtë pjesëmarrjen e Gjiknurit në këtë sekt është fakti se gjatë seancave, prifti guru përdor hipnozën, e cila është kontrolli total i mendjes, dhe e shndërron personin e hipnotizuar në shërbëtor të gurusë.

CNA.al investigoi më tej, për të mësuar historikun e sektit në fjalë, dhe pse pjesëmarrja e Gjiknurit dhe familjarëve të tij konsiderohet e rrezikshme.

Sipas asaj çfarë shkruhet në mediat e huaja, Vishwananda i njohur ndryshe edhe si Visham, është një prift guru nga ishujt Mauritius, i cili njihet për skandale të shumta në Indi, për të cilat edhe është dëbuar nga ky shtet.

Më pas ai filloi të hapte qendra në Poloni dhe Gjermani, etj.

Visham akuzohet për shfrytëzim të dishepujve të tij për marrëdhënie seksuale dhe kushdo që përpiqej të demaskonte pseudu-profetin, përndiqej nga ky i fundit derisa shkatërrohej plotësisht.

Qendren e tij në SHBA, Visham e kishte kthyer në harem, pasi i detyronte femrat të përdornin gjatë riteve një veshje transparente, e cila nuk fshihte asgjë nga trupi i tyre.

Abuzimet e tij u zbuluan në 2008-ën nga autoritetet amerikane dhe britanike, periudhë në të cilën ra interesi për këtë sekt.

Përtej skandaleve jashtë Europës, pseudo-prifti numëron edhe skandale të panumërta në kontinent.

Por, sot sjellim të tjera detaje. Vetëm pak ditë më parë sekti në fjalë ka ?zbarkuar? edhe në Tiranë.

Nga disa foto të publikuara në rrjetet sociale, mësohet se sekti ku bën pjesë ministri Gjiknuri dhe bashkëshortja e tij, ka zhvilluar pak ditë më parë edhe një aktivitet në Tiranë.

Nga fotot mësohet se në këtë aktivitet ka marrë pjesë edhe kunata e ministrit Gjiknuri, fotot vijuese./CNA.al

Damian Gjiknuri lidhje me mashtruesin indian/ Alarmohen shërbimet inteligjente

Skandale seksuale, abuzime dhe mashtrime financiare/ Sekti mister ku bën pjesë Gjiknuri