E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Loja proceduriale e Prelës për të shpëtuar “Shullazin” e partisë!

19 Shtator 2018, 22:09, Aktualitet CNA

Prokuroria për Krime të Rënda, deri dje ishte një nga institucionet që Shqipëria krenohej në takime ndërkombëtare për luftën kundër krimit të organizuar! Disa prej këtyre prokurorëve që kanë mbet në këtë institucion, kanë hetuar e dënuar banda më famkeqe dhe asnjhere nuk është ankuar njeri!

Por sot, është degdisë në institucione qokash nga ish-prokurori i Përgjithshëm A.Llalla dhe nga kjo e përkohshmja A.Marku! Kjo e fundit pas komandimit të shoqes së klasës (mediokre) ka kthy institucionin në paligjshmëri totale, duke saju extra procedur ligjore vetëm e vetëm për të favorizuar e lehtësuar kriminelët që po gjykohen në këtë institucion!

Skandali i radhës, rrebelohet e gjithë trupa e prokurorëve kundër saj, duke braktisur mbledhjen e thirrur për caktimin me short të prokurorit të 4 (??!) në dosjen e Emiljano Shullazit! Po çfarë ka ndodhur!? Pas komandimit të Elizabeta Imeraj në krye të prokurorisë së Tiranës, ligji thotë që prokurorja duhet të dorëzojë të gjithe dosjet që kishte në hetim! Për rreth 120 dosjet e saj janë hedhur në short, por vetem ajo e Shullazit është bërë problem për Donika Prelën!

Ajo dhe shefja e saj e përkoheshme Arta Marku nuk kanë pranuar që Imeraj të vazhdojë të mbajë këtë dosje për ta përfaqësuar në Gjykatë! Ato ia kanë lënë dosjen prokurorit tjetër Ened Nakuci, i cili është sëmurë papritmas dhe është larguar nga Shqipëria! E ndodhur në këto kushte Prela ka caktuar prokurorin Besim Hajdarmataj për të përfaqësuar dosjen, por edhe ky është trembur dhe ka kërkuar që në dosje të përfshihen edhe prokurorë të tjerë!

Donika Prela është zotuar se bashkë me zv/e saj Gentian Osmanaj do i bashkohen çështjes dhe kanë kërkuar që edhe një prokuror i 4 t?i bashkohet dosjes (për të mbajtur ison se do këndojne labçe)! Por trupa e prokurorëve, e ka refuzuar këtë propozim të Prelës, për hedhjen e shortit, duke argumentuar në mungesë të bazës ligjore, çka e kanë braktisur mbledhjen me pretendimin se Prela po sajon procedura extra ligjore për ti dhënë shkak Shullazit që të prishë dosjen (vendimin) në gjykatat më të larta!!!

Çfare turpi institucional, imagjinoni disa vite më parë ishte kjo prokurori dhe një prokurore femër e vetme Doloresa Musabelliu e cila kerkoj 18 vjet burg për Shullazin për akuzen e trafikut të drogës! Po pak muaj më parë ishte po një prokurore e vetme femër Elizabeta Imeraj që urdheroi arrestimin dhe solli provat në gjykatë ndaj Shullazit dhe bandës se tij, ku i kishe bërë gati edhe pretencën por shefja e perkohshme nuk e la te vazhdoj kete dosje, duke saju ngërce të panevojshme të dosjes me shorte dhe ekstra procedura! Këto veprime, tregojnë edhe njëherë se ku është degdisur prokuroria e përkoshme që nuk kane guxim të lexojnë pretencën e bërë gati ndaj Shullazit të partisë!

Na iku edhe Ambasadori Lu që i denonconte publikisht këto! Po pse nuk vepron dhe vihet në lëvizje Policia e ?Forcës së ligjit? për të hetuar e verifikuar deklaratat e ambasadorit Lu se Shullazi ka kërcënuar gjyqtarë e prokurorë!!!! Mos u_çudisni_kur_ta_shihni_Shullazin_rrugëve_duke_bërë_detyrën_e_përmbaruesit. /Nga Flamur Vezaj