Arrestohen doktori dhe shoferi i ambulancës në Portin e Durrësit

19 Shtator 2018, 19:16, Aktualitet CNA

Policia e Durrësit ka vënë në pranga dy punonjës në Autoritetin Portual Durrës, doktorin dhe shoferin e ambulancës, nën akzuën e shpërdorimit të detyrës.

Policia bën me dije se në pranga kanë rënë shtetasit Artan Dhima 49 vjeç, banues në Durrës, doktor në Autoritetin Portual Durrës dhe Zamir Çyrbja 41 vjeç, shoferi i ambulancës në Autoritetin Portual Durrës.

Ata bëjnë me dije se janë gjetur dhe sekuestruar 300 paketa të markave të ndryshme, 1 mjet i llojit ambulancë, tip Volsvagen, i cili shërbente për futjen e cigareve kontrabandë në Portin e Durrësit, 1 automjet tip Ford që shërbente për transportin e cigareve nga Porti I Durrësit në shpërndarjen e tyre pranë personave të ndryshëm, 2 aparate celularë.

Njoftimi i plotë:

Specialistët për Hetimin e Krimit Ekonomik pas një hetimi 2 mujor me metoda speciale finalizojnë me sukses operacionin e koduar

” Cigarettes “.

Duke shpërdoruar detyrën tregtonin dhe transportonin me ambulancë mallra kontrabandë.

Arrestohen në flagrancë dy shtetas, punonjës në Autoritetin Portual Durrës, doktori dhe shoferi i ambulancës.

Specialistët për Hetimin e Krimit Ekonomik dhe Financiar në Drejtorinë Vendore të Policisë Durrës në bashkëpunim me Prokurorinë e Rrethit Gjyqësor Durrës pas një hetimi për rreth 2 muaj me metoda speciale kanë finalizuar me sukses operacionin e koduar

” Cigarettes “.

Specialistët kanë dokumentuar me prova shkencore se disa shtetas, punonjës në Autoritetin Portual Durrës transportonin mallra kontrabandë, të cilët në bashkëpunim me njëri – tjetrin merrnin steka duhani të markave të ndryshme pa pullë fiskale të autoriteteve shqiptare në tragetet që ankoroheshin në Portin e Durrësit duke i futur në mënyrë kontrabandë me një mjet ambulancë dhe në vijim u’a shisnin personave të ndryshëm.

Janë arrestuar në flagrancë shtetasit:

U sekuestruan në cilësinë e provave materiale:

Nga ana e grupit hetimor vijojnë hetimet për identifikimin e personave të tjerë të implikuar në këtë veprimtari kriminale.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Kontrabanda me mallra për të cilat paguhet akcizë ose me pezullim të plotë apo të pjesshëm

nga detyrimet doganore ose të akcizës” ,” Tregtimi dhe transportimi i mallrave që janë kontrabandë” dhe “Shpërdorimi i detyrës” në bashkëpunim parashikuar në nenet 172, 178 248, 25 të Kodit Penal./ CNA.al