6 vjedhje për 17 ditë/ Kush është i riu që bëri "kërdinë"

20 Shtator 2018, 08:19, Aktualitet CNA

Policia e Elbasanit ka vënë në pranga ?tmerrin? e qytetarëve. Bëhet fjalë për 29-vjeçarin Melser Jangulli, banues në lagjen ?Vullnetari?, Elbasan, i cili është arrestuar ditën e djeshme nga policia pasi kryente vjedhje në këtë qytet.

I riu brenda 17 ditëve, nga 3 shtatori deri më 19 shtator akuzohet se ka kryer 6 vjedhje, madje me 5 shtator kishte realizuar dy goditje. Ai u arrestua në kuadër të operacionit policor i koduar ?Nata e fundit?.

Njoftimi i policisë:

Policia e Elbasanit deklaron se në vijim të punës për zbardhjen e vjedhjeve të ndodhura më parë, kapjen dhe vënien para përgjegjësisë ligjore të autorëve, nga Specialistët për Hetimin të Krimit në Komisariatin e Policisë Elbasan, është bërë e mundur zbardhja e një sërë vjedhjesh të ndodhur më parë.

Nga veprimet hetimore të kryera dyshohet se Melser Jangulli në kohë dhe vende të ndryshme ka kryer një sërë vjedhjesh në qytetin e Elbasanit, dhe konkretisht:

1- Më datë 19.09.2018, në lagjen ?Qemal Stafa? Elbasanit, dyshohet se ka vjedhur një argjendari në pronësi të shtetasit Xh.H.

2- Më datë 08.09.2018, në lagjen ?Luigj Gurakuqi?, Elbasan, dyshohet se ka vjedhur dyqanin e shtetasit SH. A.

3- Më datë 05.09.2018, në lagjen ?Syrja Dylgjeri?, Elbasan, dyshohet se ka vjedhur dyqanit (Kjoskë) në pronësi të shtetasit P. S.

4- Më datë 05.09.2018, në lagjen ?28 Nëntori?, Elbasan, dyshohet se ka vjedhur dyqani (Kjoskë) në pronësi të shtetasit A. I.

5- Më datë 03.09.2018, në lagjen ?5 Maji Elbasan?, dyshohet se ka vjedhur dyqanin e shtetasit H.F.

6- Më datë 13.08.2018, në lagjen ?Viserian Xhuvani?, Elbasan, dyshohet se ka vjedhur dyqanin e shtetasit V. K.

Në cilësinë e provës materiale u sekuestruan sendet e vjedhura.

Si dhe materialet që autori dyshohet se i ka përdorur për të kryer vjedhjet, një çantë, sqepar, një palë pinca, 2 kaçavida, një levë metalike, një palë gërshërë prerëse, një material qafore leshi deveje me ngjyrë të zezë dhe shirita.

Materialet i kaluan Prokurorisë pranë Gjykatës së Shkallës së Parë Elbasan, për veprën penale ?Vjedhja? parashikuar nga neni 134 i Kodit Penal