web counter
LEXO PA REKLAMA!

SHKARKO APP

E fundit!

x

Dekreti i Metës për Teatrin dhe maxhoranca/ LSI jep alarmin e fortë

18 Shtator 2018, 14:23, Aktualitet CNA

Maxhoranca ka votuar pa opozitën, në tërësi dekretin e presidentit, Ilir Meta, i cili i hap rrugë prishjes së Teatrit Kombëtar dhe ndërtimit të një të riu.

Në një dalje për shtyp pas mbledhjes së Komisionit të Veprimtarive Prodhuese, deputeti i LSI, Edmond Panariti u shpreh se maxhoranca shkeli në mënyrë flagrantë kushtetutën, pasi duhet ta miratonte të plotë dekretin dhe jo të bënte korrigjime.

Sipas tij, ajo që paraqiti maxhoranca ishte thjesht një variant i korrigjuar, për të cilin nuk u konsultua më parë me deputetët e opozitës.

Ndër të tjera Panariti tha se opozitës iu mohua fjala në mënyrë të paprecedentë, pasi kalimi i ligjit, u bë në mënyrë brutale.

“Jemi në kushtet e kalimit flagrant të një ligji. Është një variant i korrigjuar nga deputetët e maxhorancës, i cili paraqitet pa u konsultuar me opozitën. Kalimi u bë në mënyrë brutale. U mohua e drejta e fjalës së opozitës në mënyrë të paprecedentë. Jemi në kushtet antikushtetueshmërisë dhe mosekzistencës së një Gjykate Kushtetuese”, tha Panariti. /CNA.al





Lajmet e fundit nga