web counter
LEXO PA REKLAMA!

SHKARKO APP

App Store
Google Play

E fundit!

x

Paralajmëron Ngjela/ Korrupsioni i lartë do marrë goditjen drastike

15 Shtator 2018, 08:19, Aktualitet CNA

Avokati Spartak Ngjela ka reaguar në lidhje me operacionin e dy ditëve më parë të forcave RENEA në fshatin Nikël të Krujës.

Në një postim në faqen e tij në rrjetet sociale, Ngjela shkruan se korrupsioni i lartë në Shqipëri do të marrë goditjen fatale, dnërsa paralajmëron se operacioni në Nikël është vetëm fillimi.

?Kjo do të jetë rruga deri në goditjen drastike të korrupsionit të lartë në Shqipëri. Do goditet i gjithë krimi i rrugës i lidhur me ta. Ndërkohë, sigurisht që do të tremben edhe bllokuesit e Reformës në Drejtësi, të cilët do të fillojnë të mbushin institucionet që i duhen Reformës për goditjen e krimit shtetëror të qarqeve të larta. Dhe kjo ka filluar.?-shkruan Ngjela në postimin e tij.

Sipas avokatit Ngjela, në mbështetje të kësaj ideje, del edhe qëndrimi i fundit i ambasadorit amerikan Lu, kur para dy ditësh u tall me korrupsionin e lartë shtetëror dhe e konsideroi atë si “të pashpresë”.

Sipas Ngjelës, ?duke e parë me vëmendje këtë gjendje, arrin në konkluzionin se goditja e krimit të lartë shtetëror në Shqipëri do të jetë e shpejtë. Kurse ambasadori Donald Lu e përmedi sërish angazhimin amerikan kundër korrupsionit të lartë në Tiranë: “ky është zotim”, tha ai.
Por, është zotim amerikan, ama.?/ CNA.al





Lajmet e fundit nga