web counter
LEXO PA REKLAMA!

SHKARKO APP

App Store
Google Play

Lindita Nikollës 'i del ministria nga duart'/ Zbulohet skandali me mësuesit

14 Shtator 2018, 21:32, Aktualitet CNA

Një skandal që prek Ministrinë e Arsmimit, e cila është nën drejtimin  e Lindita Nikollës, është zbuluar gjatë emisionit ?Stop? në Tv Klan.

Mësuese Fatbardha Alushaj ka treguar gjatë këtij emisioni si e larguan padrejtësisht nga shkolla 9-vjeçare ?Ismail Klosi? në Ballsh, me pretendimin se nuk kishte marrë pjesë në portal. Por kur është punësuar si mësuese në këtë institucion, portali nuk ekzistonte.

?Jam mësuese në shkollën 9-vjeçare ?Ismail Klosi? prej 4 vjetësh. Dy vitet e para kam qenë mësuese në lëndën e edukimit fizik me kontratë të përcaktuar. Në vitin 2016 emërohem si mësuese ndihmëse me afat të papërcaktuar, pra me kontratë definitive. Kam punuar me një fëmijë që ka probleme dhe pas një farë kohe më vjen një shkresë nga Zyra Arsimore dhe Drejtoria Arsimore, ku thuhet se duhet të më zgjidhet kjo kontratë, pasi unë nuk kam marrë pjesë në asnjë nga portalet ?Mësues për Shqipërinë?,- ka treguar ajo.

E kontaktuar nga gazetarët e emisionit ?Stop? , drejtoresha e Drejtorisë Arsimore Rajonale në Fier, Yllba Beci tha se kontrata me afat të papërcaktuar që ka lidhur Fatbardha Alushaj me shkollën ?Ismail Klosi? bie ndesh me të gjitha udhëzimet që ka në fuqi arsimi parauniversitar.

?Nuk i plotësonte kriteret përkatëse dhe për këtë arsye kjo kontratë është zhbërë. Pasi është kapur me një shkelje prej një kontrolli të kryer nga institicuionet në varësi?, – ka thënë ajo.

Më pas ka qenë juristja Këze Hyskaj, ajo që ka treguar se  DAR Fier i është drejtuar Zyrës Arsimore në Mallakastër për verifikimin dhe marrjen e masave përkatëse për drejtorinë e shkollës, që ka bërë lidhjen e kontratës.

Pas verifikimit edhe drejtoresha e shkollës ?Ismail Klosi?, Loreta Zeqaj është larguar nga puna për abuzim me postin./ CNA.al

 





Lajmet e fundit nga