web counter
LEXO PA REKLAMA!

SHKARKO APP

App Store
Google Play

E fundit!

x

Francë/ Kapet drogë me vlerë 1 mln €, me flamurin shqiptar

14 Shtator 2018, 21:11, Aktualitet CNA

Policia franceze në Lyon gjatë kontrollit të ushtruar në lagjen ?42 Avenue Berthelot?, ka gjetur dhe sekuestruar në një apartament 104 kg kanabis dhe 984 gram heroinë të pastër e cila kapte vlerën 1 milion eurove. Kanabisi  dyshohet se vinte nga Shqipëria.

Në fund të majit të këtij viti, në të njëjtin apartament janë gjetur 10,000 euro nga trafiku i heroinës, banesë kjo e cila ishte në emrin e një azilkërkuesi shqiptar i dënuar me tre vjet burg.

Trafikantët, duke imagjinuar ndoshta se policia nuk do të kërkonte të njëjtën adresë dy herë, vazhduan ta përdornin duke mbledhur një stok kanabisi bimor dhe heroine me një vlerë tregu prej 1 milion euro.

Por ata u pikasën nga forcat e policisë, të cilët ndërhynë në momentin kur një person u largua nga banesa. Ata shfrytëzuan mungesën e tij për të sjellë një qen të specializuar në zbulimin e narkotikëve, i cili qëndroi para derës. Policia hyri brenda në apartament dhe zbuloi sasinë e drogës e cila u sekuestrua. /CNA.al





Lajmet e fundit nga