web counter
LEXO PA REKLAMA!

SHKARKO APP

App Store
Google Play

E fundit!

x

Tjetër bandë në Lushnjë/ Artan Hoxha zbulon detaje tronditëse

14 Shtator 2018, 14:16, Aktualitet CNA

Gazetari investigativ Artan Hoxha i ftuar në studion e lajmeve në Report TV, ka zbërthyer me detaje operacionin e zhvilluar sot nga forcat RENEA për të kapur dy persona të rrezikshëm në fshatin Remas të Divjakës.

Krahas komentit të lidhur me operacionin, Artan Hoxha i është rikthyer  masakrës së ndodhur në Lushnjë më 11 shtator 2017, ku mbetën të vrarë dy të rinj Jurgen Hoxha dhe Zamir Latifi, si pasojë e breshërive të kallshnikovit që kishin si shenjestër tjetër person.

Hoxha ka thënë se vrasjet në Lushnje, i cili njihet si vend ku qytetarët janë të qetë dhe bashkëpunojnë me policinë, ndodhin sepse territorin po kërkon ta ketë në zotërim një bandë e re, shumë e fuqishme që ka lidhje me bizneset më të mëdha në qytet, madje po tenton të ketë akses edhe në bujqësi.

?Nuk kemi të bëjmë me hasmëri të vjetra, por kemi të bëjmë me një grup të ri shumë të fuqishëm në qytetin e Lushnjës.

Qëllimi primar i këtij grupi ka qenë trafikimi i narkotikëve dhe që ta bëjënë më lirshëm këtë ata spastrojnë të gjithë zonën dhe në mënyrë që të zotërojë të gjithë qytetin.

Ata po blejnë bizneset e mëdha dhe po mundohen të zotërojnë edhe fushën më fitimprurëse në Lushnje, atë të fruta-perimeve?,- u shpreh Artan Hoxha./ CNA.al





Lajmet e fundit nga