web counter
LEXO PA REKLAMA!

SHKARKO APP

App Store
Google Play

Përplasja me armë me RENEA-n/ Zbardhen të tjera detaje

14 Shtator 2018, 10:11, Aktualitet CNA

Të tjera detaje kanë dalë në dritë nga ngjarja e rëndë e mëngjeist të sotëm, ku një operacion i policisë dhe forcave RENEA për kapajen e dy personave të dyshuar për vrasje, ka përfunduar me një të plagosur.

Teksa rrethuan banesën e shtetasit Haxhi Luka, ku strehoheshin dy të dyshuarit, ky i fundit është armatosur me një çifte gjahu.

Sipas policisë, Haxhi Luka nuk i është bindur urdhrit të policisë, dhe forcat RENEA kanë qëlluar me armë zjarri në ajër.

Pas kësaj, edhe ai i është përgjigjur forcave të policisë duke shtënë me armë zjarri.

Sipas policisë, Lika u lëndua në kokë në rrethana të paqarta, ndërsa eksperti mjeko-ligjor po punon për të përcaktuar shkakun e dëmtimit..

Në njoftimin e uniformave blu thuhet se ?Në zbatim të Planit Operacional për kapjen e personave me rrezikshmëri të lartë shoqërore për veprën penale të vrasjes, forcat speciale RENEA. Rreth orës 05.30 kanë ushtruar disa kontrolle banesash në fshatin Remas të Lushnjes. Ndër to edhe banesën e shtetasit H.L., 77 vjeç, pasi disponohej informacion se në këtë banesë strehoheshin dy shtetas të dyshuar si autorë vrasjesh.

Në momentin që Policia ka bërë rrethimin e banesës dhe konform gjithë procedurave standarde të ndërhyrjes, shtetasi H.L., nuk i është përgjigjur thirrjes së Policisë, por ka dalë në dritare me një armë në dorë (rezultoi armë gjahu). Ndodhur në këto kushte Policia ka qëlluar në ajër duke i bërë thirrje përsëri shtetasin H.L., për të dalë nga banesa.

Në rrethana ende të paqarta shtetasi H.L., është dëmtuar në kokë dhe ndodhet në spital jashtë rrezikut për jetën. Eksperti mjeko-ligjor po punon për përcaktimin e shkakut të dëmtimit dhe rrethanat?, thuhet në njoftimin e policisë./ CNA.al





Lajmet e fundit nga