E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Mafia e lojërave të fatit/ Si u favorizuan kompanitë e Xhafajt dhe Ramës

14 Shtator 2018, 12:19, Aktualitet CNA

Ashtu siç kishte paralajmëruar një ditë më parë, Partia Demokratike ka nisur sot, publikimin e fakteve që dëshmojnë sipas tyre lidhjen e qeverisë me mafian e lojërave të fatit.

Në një dalje për mediat, dy deputetët demokratë, Jorida Tabaku dhe Enkelejd Alibeaj kanë publikuar faktet që sipas tyre tregojnë se Edi Rama dhe Fatmir Xhafaj kanë pasur interes direkt në bllokimin prej 8 muajsh të ligjit të lojërave të fatit.

Jorida Tabaku tha se “Edi Rama dhe Fatmir Xhafaj kanë përdorur pushtetin politik për të përfituar dhe pastruar para të krimit dhe drogës nëpërmjet lojërave të fatit. Dy njerëzit më të pushtetshëm të vendit kanë afruar mundësi korruptive dhe mbrojtje politike për vëllezërit e tyre, Olsi Rama dhe Agron Xhafaj në fushën e lojërave të fatit.

Fatmir Xhafaj, si kryetar i Komisionit të Ligjeve, në vitin 2015 bllokoi ligjin për mbylljen e lojërave të fatit në qytete duke detyruar të dalin nga tregu, biznesmenë të sukseshëm dhe të ndershëm që kishin mbi 25 vite për t?i përqëndruar lojërat e fatit në dy ose tre duar. Lojërat e fatit jo vetëm nuk u mbyllën por u shumëfishuan nën presionin e deriatëhershëm të kryetarit të komisionit të ligjeve.”

Ndërsa, deputeti Alibeaj risolli në vëmendje denoncimin ndaj Fatmir Xhafajt, në lidhje më dënimin ndaj vëlliat të tij në Itali, ndërsa solli të tjera fakte që implikojnë ministrin Xhafaj.

?E mbani mend në këtë sallë katër muaj më parë PD publikoi dënimin në Itali të Agron Xhafaj, i cili është dënuar me burg në Itali për pjesmarrje në një bandë droge?. Pjesë e bandës së Agron Xhafajt janë edhe dy bashkëpunëtorët e ngushtë të tij, vëllezërit Besnik dhe Gramoz Murataj, të dënuar për trafik droge. Ky është vendimi i gjykatës për të tre.

Bashkëpunëtorët e Agron Xhafajt, vëllezërit Murataj janë sot pronarë të dy kompanive të basteve dhe njera prej tyre është ndër më të njohurat dhe shfaqet me disa emra. Për këtë dy të dënuar duhet të kishte vepruar ligji Antimafia për të verifikuar burimin e pasurisë së tyre. Deri tani ligji nuk ka vepruar sepse anëtarët e bandës së Agron Xhafaj është vetë, fasada që fsheh pronësinë relae të Agron Xhafajt mbi këtë kompani: Ekoped, bastelive etj. nën pronësinë e Agron Xhafajt dhe me mbështetjen politike të Fatmir Xhafajt, për 5 vjet ka shumëfishuar aktivitetin në tregun e bixhozit.”-tha ndër të tjera Alibeaj.

Gjithashtu Alibeaj shtoi se ?Fatmir Xhafaj me vëllain e tij, Agron Xhafaj dhe Edi Rama me vëllain e tij Olsi Rama janë ortak në kompaninë e lojërave të fatit.”

Sipas Alibeajt, kjo i siguron Olsi Ramës miliona euro fitime, ndërsa më tej theksoi se është kjo arsyeja pse Edi Rama i trembet vettingut të politikanëve.

PD publikon të tjera fakte/ ?Fundoset? Fatmir Xhafaj?