E fundit!

07:20 Ekonomi

Kursi i këmbimit, 16 korrik 2026

Këtë të enjte një dollar amerikan blihet me 81.1 lekë ...

Urdhëri skandaloz i UFSH/ Zbulohen shkeljet

13 Shtator 2018, 13:38, Aktualitet CNA

Ish-kreu i UFSH, Arian Jaupllari ka reaguar pas një njoftimi për zgjedhjet në organet e Urdhërit të Farmacisteve të Shqipërisë.

Në një deklaratë për mediat, Jaupllari liston disa nga shkeljet që bëhen nëpërmjet këtij njoftimi, ndërsa thekson se ?Sikur të kishte një titull, do ishte njelloj i rëndësishëm dhe serioz me njoftimet e zakonshme që publikon UFSH-ja në ëebsite. Ndoshta është vërtet i parëndësishëm për administratën aktuale procesi i zgjedhjes së Presidentit të UFSH-së dhe atyre rajonalë, ndoshta sepse ky institucion nuk vlen në interes të farmacistëve në shqipëri, apo ndoshta nga që ky proces konkurimi nuk vlen, sepse ka fundin e paracaktuar???

Sipas Jaupllarit, kushdoqoftë arsyeja, me qëllim, janë pak ata farmacistë që e kanë lexuar këtë komunikim zyrtar të fshehur në një qoshe.

?E ta lexosh, bindesh, se bëhet fjalë për një njoftim, çoroditës, të paplotë, dokumentacion të mangët dhe një sërë shkeljesh ligjore?-shprehet më tej Jaupllari.

Ndër të tjera, Jaupllari thotë se ?ky është një proces jo transparent dhe manipulativ dhe pret të këtë sa më shumë të painformuar që kandidojnë dhe votojne, prandaj ju bëj thirrje të gjithëve që të kërkojnë transparencë, rregulloren e zgjedhjeve, kushte të barabarta kandidimi, pjesëmarrje të denjë, për të realizuar zgjedhje të lira e të ndershme dhe me dinjitet profesional, në nderim të organizmit tonë të vetërregullimit profesional.?.

Deklarata e plotë:

THIRRJE PER ZGJEDHJET NË ORGANET E URDHRIT TË FARMACISTËVE TË SHQIPËRISË
Të nderuar kolegë!
Njoftimi me titullin anonim ?njoftim?, është më i parëndësishëmi i publikuar në faqen zyrtare të Urdhrit të Farmacistëve të Shqipërisë.

Sikur të kishte një titull, do ishte njelloj i rëndësishëm dhe serioz me njoftimet e zakonshme që publikon UFSH-ja në ëebsite. Ndoshta është vërtet i parëndësishëm për administratën aktuale procesi i zgjedhjes së Presidentit të UFSH-së dhe atyre rajonalë, ndoshta sepse ky institucion nuk vlen në interes të farmacistëve në shqipëri, apo ndoshta nga që ky proces konkurimi nuk vlen, sepse ka fundin e paracaktuar??
Kushdoqoftë arsyeja, me qëllim, janë pak ata farmacistë që e kanë lexuar këtë komunikim zyrtar të fshehur në një qoshe. E ta lexosh, bindesh, se bëhet fjalë për një njoftim, çoroditës, të paplotë, dokumentacion të mangët dhe një sërë shkeljesh ligjore :
1- Nuk është shpallur rregullorja e zgjedhjeve, si një detyrim ligjor për procesin dhe të gjithë ata që zgjidhen dhe zgjedhin.
2- Paligjshmëria e formularit të kandidimit qëndron në faktin e deklarimit të të gjithë kandidatëve në një format tip, ku janë vendosur kritere të njëjta për të gjithë kandidatët, ndërkohë që ligji përcakton kriteret skualifikuese vetëm për presidentët dhe jo për kandidatë të tjerë, (në kundërshtim me nenin 9/1,të ligjit nr.9150, datë 30.10.2003 ?Për Urdhrin e Farmacistrëve në Republikën e Shqipërisë?, i ndryshuar).
3- Paligjshmëria e përfshirjes në proces zgjedhjesh të anëtarëve të Komisioneve të Gjykimit Disiplinor Profesional pranë Këshillit Rajonal dhe Kombëtar, të cilët respektivisht caktohen nga Asambleja Roajonale dhe ajo Kombëtare.( në kundërshtim me nenin 16, pika 1, të ligjit nr.9150, datë 30.10.2003 ?Për Urdhrin e Farmacistrëve në Republikën e Shqipërisë?, i ndryshuar).
4- Koha e aplikimit – Shtatë ditë, me një të shtunë plus një të dielë brenda, është koha për të përgatitur vizionin e drejtimit të këtij urdhëri, plotësimit të formularit dhe aplikimit. Në vetvete, administrata që organizon zgjedhjet është përpjekur të përjashtojë, më tepër sesa të ftojë në kandidim, energjinë e re dhe eksperiencën e farmacistëve në drejtimin e UFSH-së.
Ndërkohë, qarkullojnë informacione se një grup i strukturuar nga UFSH, sipas gjasave i njëjti që ka parapërgatitur gjithë procesin e zgjedhjeve, ka shkuar nëpër rajone për të manipuluar procesin në përzgjedhjen e Presidentëve të Këshillave Rajonale, sepse vetëm ata kanë të drejtë vote për zgjedhjen e Presidentit të UFSH, sipas tyre, qëllimi final i gjithë procesit.
Ky proces me mungesë transparence, paligjshmërie evidente, buron nga frika që ka kapur Presidentët e Këshillave Rajonale, të cilët për pesë vjet mbajtën gojën e kyçur në ruajtje të një përfitimi prej 25 000 lekësh në muaj nga kuatizacioni i farmacistëve, duke mos ju qarë as hallin e jo më të t?i zgjidhnin problemet farmacistëve.
Paniku më i madh është për Presidenten e Urdhrit, e cila për pesë vjet doli kundër kolegëve, anëtarëve të Urdhrit, duke i privuar nga e drejta e ushtrimit të profesionit, pensionistët dhe farmacistët e punësuar me paditjet gjyqësore ndaj tyre, e cila në vend që të mbronte të drejtat e tyre për pesë vjet hapi gojën vetëm njëherë.
Por ja që moralin e paska të kërkojë të rizgjidhet edhe një herë !

Të nderuar kolegë!
Ky është një proces jo transparent dhe manipulativ dhe pret të këtë sa më shumë të painformuar që kandidojnë dhe votojne, prandaj ju bëj thirrje të gjithëve që të kërkojnë transparencë, rregulloren e zgjedhjeve, kushte të barabarta kandidimi, pjesëmarrje të denjë, për të realizuar zgjedhje të lira e të ndershme dhe me dinjitet profesional, në nderim të organizmit tonë të vetërregullimit profesional.
Respekte,
Arian Jaupllari