web counter
LEXO PA REKLAMA!

SHKARKO APP

App Store
Google Play

Rimëkëmbja e Partisë Demokratike/ Patozi tregon zgjidhjen

13 Shtator 2018, 14:17, Aktualitet CNA

Ish-nënkryetari i Partisë Demokratike, Astrit Patozi, ka sulmuar Lulzim Bashën për mënyrën sesi ai po i udhëheq të djathtët.

Duke folur në emisionin ?Top Talk?, në Top Channel, Patozi është shprehur se  Shqipëria ka nevojë për një lëvizje të djathtë, ndërsa shton se Basha ka marrë peng Partinë Demokratike.

Ndër të tjera, ish-deputeti demokrat ka thënë se zgjidhja nuk është më te PD, por te shoqëria shqiptare.

“Lulzim Basha kishte dy opsione, ti provonte demokratëve dhe shoqërisë shqiptare që Partia Demokratike ose e shfrytëzonte ose e humbte një mundësi të fundit për tu rimëkëmbur. Basha dhe të tjerë zgjodhën ta mbajnë peng Partinë Demokratike. Zgjidhja sipas meje nuk është më te Partia Demokratike. S?ka kuptim që ne të zihemi për çelësat e SHQUP-it, që sipas meje janë çelësat e kashtës. Nuk ka kuptim që disa demokratë të mërzitur me Lulzim Bashën të marrin tashmë PD-në. Megjithatë, unë zgjidhjen e kërkoj nga shoqëria shqiptare, nga njerëzit që ndihen të djathtë, të mashtruar nga të dyja kampet politike, si nga qeveria, ashtu dhe nga opozita zyrtare, të cilët janë të detyruar të ndërmarrin një reagim, një lëvizje politike që mund ta shkundë sistemin. Unë tek ata e pres dhe jo te Partia Demokratike?, tha Patozi. /CNA.al

 





Lajmet e fundit nga