E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Drejtimi i PD-së nga Basha/ Patozi komenton situatën brenda së djathtës

13 Shtator 2018, 17:27, Aktualitet CNA

Ish-Nënkryetari i Partisë Demokratike, Astrit Patozi ka komentuar ngarjet e fundit politike, si dhe situatën brenda të djathtës, nga studio e emisionit ?Top Talk?, në Top Channel.

Gjatë fjalës së tij, Patozi u shpreh se tashmë nuk e lidh më asgjë me Partinë Demokratike, pasi ajo është shndërruar në partinë private të Lulzim Bashës.

Në lidhje me propozimin e kreu të opozitës për Vettingun në politikë, ish-deputeti demokrat u shpreh se ky është një truk i të dyja palëve dhe nuk do të bëhet.

“Është një truk i të dyja palëve, por në këtë rast opozita ka më shumë përgjegjësi për dy arsye: së pari, sepse ishte ajo që e lançoi dhe mund ta evitonte nëse nuk e kishte seriozisht; dhe së dyti, sepse opozita është ajo që duhet ta shkundë pushtetin që të shkojë në moralin e saj?, shpjegoi Patozi

Ish-nëkryetari i PD-së, Patozi, ka komentuar edhe marrëdhënien midis Bashës dhe Ramës, duke zbuluar se midis tyre ka një marrëveshje të fshehtë për reformën zgjedhore, ndërsa ka shtuar se kreu i opozitës shpeshherë përdoret nga kryeministri.

?Marrëveshja e heshtur nënkupton se të dyja palët janë njësoj të interesuara që Reformë Zgjedhore të mos ketë, ndërkohë që Basha duhej të ishte njeriu më i interesuar në Shqipëri që kjo reformë të bëhej. Fakti që Basha mbetet gjithnjë në opozitë, do të thotë se nuk i intereson dhe ky është problemi më i madh që shqiptarët nuk e kuptojnë, edhe demokratët gjithashtu?,- ka thënë Patozi.

Përsa i përket zgjidhjeve të mundshme për ta nxjerrë Partinë Demokratike nga atrofizimi, Patozi shprehet se një gjë të tillë mund ta bëjnë vetëm shqiptarët, të cilët janë të mashtruar nga të dyja kampet politike.

?Megjithatë, unë zgjidhjen e kërkoj nga shoqëria shqiptare, nga njerëzit që ndihen të djathtë, të mashtruar nga të dyja kampet politike, si nga qeveria, ashtu dhe nga opozita zyrtare, të cilët janë të detyruar të ndërmarrin një reagim, një lëvizje politike që mund ta shkundë sistemin. Unë tek ata e pres dhe jo te Partia Demokratike?, tha ndër të tjera Patozi. /CNA.al