E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

HABERET E MITROS/ Turistë tek “Mjalti Morava”

12 Shtator 2018, 16:22, Aktualitet CNA

Nga Mitro ÇELA

Turistë në Korçë. Filipi. Dori. Devis. Unë. Sebepi? Ftesa e Zamira Kita. Java e Komedisë. Pasi bëme ?adetet? për komedinë Dori tha një ide:
-Nuk mund të quhesh turist në Korçë, pa vizituar fermën ?Mjalti Morava?.
Dhe yxhym përpara. Ruga për në Bilisht. Kilometri i 7-të. Djathtas tabela: Plasë. 200 metra rrugë me gunga!

-Mallkuar Bashkia e Korçës që nuk zgjidh qesen.
-Plasa varet nga bashkia e Maliqit,-thashë unë.
-Mitro! Mos fole marrëzirs,-tha Filipi.-Plasa mund të ishte me Bilishtin, që e ka në prag të derës, por kurrë me Maliqin?!
-Marrëzi ose llogari elektorale ka bërë Blendi Çuçi me shokë, kur ?mbollën? bashkitë e reja.
Kur morën fund ?gungat? para nesh doli një vilë alla Hollivud. Rrethuar me pemë. Mes pemëve një lëndinë. Në lëndinë kishin ?mbirë? koshere me bletë.

Derën na e hapi pronari: Gëzim Skermo.
Një gotë raki qershije. Një kupë me mjaltë. Një gotë me ujë, limon dhe mjaltë të nakatosura.
-E mira është që mjalti të përdoret si limonatë.-Tha Gëzimi.
-Në fshat kemi pasur bletë. – Tha Filipi-Më kujtohet që shtypja me gisht meshkujt. Më ka mbetur merak: Mbretëresha nuk ka mbret. Bën seks?
-Bën,-tha Gëzimi.-Kur i vjen orgazma, fluturon në qiell. Prapa e ndjekin meshkujt. Shumë. Luftojnë. Sakatohen për pak seks. Por vetëm një mashkull bën seks dhe vdes. Mbretëresha kthehet në koshere me mashkullon e saj të vdekur, mes shalëve.
-Marr guximin të të bëj një korigjim: bletët ngordhin…Tha Devi.
-Miku im! Nga të gjitha speciet, vetëm për bletët thuhet: vdesin!
A e dini se bletët rrojnë 30 deri më 45 ditë? Mbretëresha rron deri në 7 vjet? Mbretëresha prodhon 1.5 milionë vezë.

A e dini se, kur bie prodhimi i mjaltit, vetë bletët e përzënë mbretëreshën dhe zgjedhi një mbretëreshë të të re?!Instiktivisht, mbretëresha kur dallon se mes lavave, mund te lindi nje mbretëreshë, e ?mbyt? që në ?djep?. Bletët femra, në dimër kur pakësohet ushqimi, ?ekzekutojnë? meshkujt?
A e dini se shkencëtarët kanë arritur në përfundimin se bletët kanë qejf alkoolin dhe drogën, dmth lulet e hashashit?!

-Kam dëgjuar,- tha Devis,- pa bletë nuk ka jetë?! E kam sakllam?
-Albert Ajshajn ka thënë:?Në se bletët do të zhdukeshin, pas katër viteve do të vinte fundi i njerëzimit.? E thëne 100 vjet më parë duket si profeci. Por sot është reslitet. Në ShBA bleta është shpallur specije në zhdukje dhe mbrohet me ligj.
-Pa bletë,- tha Filipi,- pemët do të mbeteshin shterpë. Nuk do bënin fruta. Në Amerikë shpenzohen miliarda dallarë për pjalimin artificial të luleve, sepse herbicidet kanë vrarë bletët.
Fermën Gëzimi e ka inaguruar në vitin 1993. Bleu një tokë. Ngriti një kasolle. Bleu disa koshere. Bisnes familjar. Vit për vit fito dhe investo. Sot ka 400 koshere. Ka nje laborator modern. Bledh dhe përpunon mjaltë nga qarku i Korçës.

-Ku e shet mjaltin,- pyeta unë.
-Në Singapor, Amerikë, Kinë…
-Po në vëndet e Bashkimit Evropian?
-Jo. Ka një histori të hidhur. Para 15 vjetëve dolli lopa e çmëndur. Brukseli ndaloi importet shtazore nga Shqipëria: Mish, djathë, qumësht, vezë. U ndalua edhe mjalti.

Burokratët nga Brukseli, e quajtën mjaltin prodhim shtazor? Ka vite që qeveritë kanë bërë sehir, duke dënuar eksportin. Tu them një çudi: Eksportojmë mjaltë në Zvicër. Pse? Sepse nuk është pjesë e BE-së?!
Ferma ka një laborator modern. Fjala e fundit e teknologjisë. Laborator primitiv ka AKU-ja në Korçë. Ministria e Bujqësisë, që e ka ministër pe Korçe urdhëron: Çertifikatën e ?ndershmërisë?, prodhuesit e mjaltit në qarkun e Korçës, duhet ta marrin në laboratorin e babaqemos?!
Ferma është kthyer në një nga pikat turistike më të vizituara në ?kazanë? e Korçës. Vinë diplomatë, turistë nga Gjermania, Anglia, Japonia, Maqedonia. Këtë vit ka parashikuar ta vizitojë edhe vetë Zoti Niko Peleshi, ministri ynë i bujqësisë…