web counter
LEXO PA REKLAMA!

SHKARKO APP

E fundit!

x

Sekuestrohen armë zjarri dhe municione luftarake/ Në pranga 51-vjeçari

12 Shtator 2018, 15:58, Aktualitet CNA

Policia e Librazhdit ka vënë në pranga një 51-vjeçar, pasi pas kontrollit ushtruar në banesën e tij u gjetën dhe sekuestruan  4 armë zjarri dhe municion luftarak.

Policia bën me dije se në pranga ka rënë shtetasi me inicilale Sh. H, 51 vjeç, banues në fshatin Dorez, Librazhd.

Njoftimi i plotë:

Librazhd

Bashkëpunimi Polici-Komunitet, godet një tjetër rast të armëmbajtjes pa leje.

Sekuestrohet 4 armë zjarri dhe municion luftarak.

Arrestohet në flagrancë poseduesi i tyre.

Në vijimë të punës për rritjen e parametrave të sigurisë publike, dhe si rezultat i bashkëpunimit mjaft të mirë Polici-Komunitet, shërbimet e Policisë Librazhd, në bazë të informacioneve të siguruara nga komuniteti, se në fshatin Dorez, Librazhd, në një banesë kishte armë zjarri, organizuan punën për verifikimin e informacionit.

Si rezultat i punës së mirëorganizuar, shërbimet e policisë gjatë kontrollit në territorin e banesës së shtetasit Sh. H, 51 vjeç, banues në fshatin Dorez, Librazhd, gjetën dhe sekuestruan në cilësinë e provës materiale 4 armë zjarri ( 2 automatik dhe 2 pushkë), si dhe 140 fishkë luftarakë.

Në përfundim të veprimeve, Specialistët për Hetimin e Krimit në Komisariatin e Policisë Librazhd, kanë bërë arrestimin në flagrancë të shtetasit Sh.H për veprën penale “Prodhimi dhe mbajtja pa leje e armëve luftarake dhe e municionit”.

Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme. /CNA.al





Lajmet e fundit nga