web counter
LEXO PA REKLAMA!

SHKARKO APP

App Store
Google Play

E fundit!

x

"Situata te Kombëtarja është rrumpallë"/ Gazetari shpërthen ndaj Panuçit

11 Shtator 2018, 19:53, Aktualitet CNA

Gazetari sportiv, Ervin Baku, ka lëshuar një lumë akuzash ndaj trajnerit të Kombëtares Shqiptare të futbollit, Kristian Panuçi.

Në një postim në rrjetet sociale, Baku shprehet se gjërat në kombëtare janë rrumpallë dhe skur të mos mjaftonte kjo Panuçi nuk di as të komunikojë.

Gazetari, i cili ishte i pranishëm në stadium në ndeshjen e humbur ndaj Skocisë mbrëmjen e  djeshme, thotë se ulërimat ?Porca Puttana? të Panuçit u dëgjuan deri jashtë.

Sipas tij, trajnerit italian i ka humbur qetësia, ndërsa shton se lojtarët nuk e duan më. Më tej Baku ka shkruar se Shqipëria duhet të ndahet sa më parë nga Panuçi.

Postimi i plotë

“Porca Puttana, Porca Puttana”… Britmat dhe ulërimat e Kristian Panuçit drejtuar futbollistëve u dëgjuan deri jashtë stadiumit. Aty ku priste autobusi skocez që do të kthente Kombëtaren në hotelin Hallmark. Punët në kombëtaren shqiptare shkojnë si mos më keq.

Komunikimi mes trajnerit dhe futbollistëve është në pikë të hallit. Askush nga lojtarët nuk e di se ku është vendi i tij. Askush. Një rrumpallë e vërtetë. Ndeshja kundër Skocisë është përgatitur pa asnjë strategji, pa asnjë skemë. Asnjë. Rezultati është koherent me përgatitjen.

Humbje e shëmtuar, me lojë rastësore alla “bjeri t’i bim”. Rendimenti, zero. A është ky trajner i aftë për Shqipërinë??? JO. Kam besuar te grinta e tij, por kjo nuk mjafton. Kurrë. Ose je i aftë, ose nuk je. Përveç kësaj, trajneri italian nuk di më të komunikojë. Vetëm britma dhe ulërima, “Porca Puttana”… Jo vetëm që nuk ka zgjedhje dhe zgjidhje, por edhe kur ka nuk di t’i transmetojë.

I mungon shumë psikologjia. Thelbësore në këtë zanat. Është arrogant??? PO. Shumë. A e duan më lojtarët??? JO. Nuk janë kënaqur kurrë me të. As edhe në një stërvitje të vetme… Madje, një bërthamë lojtarësh po përgatit një tip peticioni kundër tij. Dhe mirë e bëjnë.

Nuk ecet gjithmonë me fat. Duhet një minimum aftësie. Një ekip pak më i fortë se Skocia na kishte fut gjashtë gola dje. Ne mund të vazhdojmë të kemi fat. Ndoshta me fat mund të dalim në vendin e parë të këtij grupi. Por sa më shpejt të ndahemi nga Panuçi, aq më mirë do të jetë për Kombëtaren tonë. “Porca Puttana”, duhet të themi ne! /CNA.al





Lajmet e fundit nga