web counter
LEXO PA REKLAMA!

SHKARKO APP

App Store
Google Play

Top Channel ‘bie në gropë’/ Ja të ardhurat e televizioneve

11 Shtator 2018, 18:28, Aktualitet CNA

Gjatë vitit 2017 tregu i televizioneve falas si dhe ai i televizioneve me pagesë pësoi rënie.

?Të ardhurat e dhjetë kompanive kryesore mediatike në Shqipëri pësuan një rënie prej 4% gjatë vitit 2017 në krahasim me vitin 2016, bëhet e ditur nga të dhënat e bilanceve zyrtare të këtyre kompanive. Të ardhurat e përbashkëta të deklaruara nga televizionet dhe platformat me pagesë ishin gjatë vitit të kaluar në masën 10.3 miliardë lekë, ose 472 milionë lekë më pak se sa në vitin 2016?,- shkruan Birn.

Por kjo rënie nuk ka ndaluar vrullin për të hapur një televizion të ri.

E themi këtë, pasi kompania Gener 2 ka njoftuar hapjen e televizionit A2 në bashkëpunim me kompaninë amerikane CNN.

Dy platformat kryesore të televizioneve me pagesë, DigitAlb dhe Tring, raportuan së bashku 6.3 miliardë lekë të ardhura me një rënie prej 308 milionë lekësh në krahasim me vitin 2016 ose 4.7%.

Kurse në tregun e televizioneve pa pagesë, Top Channel pësoi një rënie prej gati 15%, por vijon të mbetet televizioni më i madh pa pagesë në vend me gati 35% të tregut. Top Channel pati të ardhura totale të deklaruara prej afro 1.4 miliardë lekësh dhe e përballoi rënien duke shkurtuar shpenzimet dhe ruajti një bilanc pozitiv në një masë modeste prej 1.1 milionë lekësh fitim neto.

Ndërsa televzioni Klan ka pësuar një rënie të lehtë me 1.2% duke ruajtur vendin e dytë në treg me 29.4%.

Edhe televizini i tretë i madh i Shqipërisë, Vizion Plus ka pësuar një rënie  në të ardhura prej gati 15% në masën 400 milionë lekë. Vizion Plus kontrollon 10.2% të tregut të televizioneve pa pagesë.

Vetëm televizioni informativ ABC News ka shënuar një rritje prej 4.6% në të ardhura në masën 179 milionë lekë ndërsa  Scan TV pati një rënie prej 5.3% dhe të ardhurat e saj ishin 117 milionë lekë në vitin 2017./ CNA.al





Lajmet e fundit nga