web counter
LEXO PA REKLAMA!

SHKARKO APP

App Store
Google Play

Blogeret reagojnë: “Jo të gjithë mund ta bëjnë këtë punë sepse…”

8 Shtator 2018, 09:53, Lifestyle CNA

Instagrami dhe rrjetet e tjera sociale kanë një vend të konsiderueshëm në jetën tonë. Por rol më të madh kanë blogeret dhe influencueset, të cilat marrin të gjithë vëmendjen. Pikërisht dhe për këtë arsye, ato janë shpesh objekti ?sulmi? nga ndjekësit sepse sipas tyre pasqyrojnë një jetë jo reale dhe paguhen vetëm për të bërë foto.

Nisur nga sulmet dhe kërcënimet që një bloggere 24 vjeçare, Scarlett London ka marrë, në rrjetet sociale influencueset kanë dhënë disa përgjigje.

Charlotte e blogut Lotty Earns ka shpjeguar të gjithë procesin dhe punën, për të ilustruar se është diçka që jo të gjithë mund ta bëjnë.

?Është shumë e lehtë të shikosh dikë që duket i përsosur në një plazh si në parajsë dhe të mendosh se ?nuk mund të besoj se paguhen 100$ për të bërë fotografi dhe për të jetuar një jetë ëndrrash ? dhe unë mund ta bëja këtë.? Por këtu qëndron e vërteta, shumica e njerëzve ndoshta nuk munden. Duhet një sasi e madhe e eksperiencës së biznesit, aftësive teknike, shkrimit / redaktimit / marketingut të nevojshëm për t?u bërë një influencues / bloger i suksesshëm.

Unë paguhem për postimet në blog gjatë gjithë kohës, dhe me secilin postim merrem orë të tëra, madje dhe ditë duke kërkuar, shkruar apo redaktuar.

Fotot duhet të bëhen (shpesh kam nevojë për veshje të reja ose duhet të udhëtoj diku) dhe më pas të redaktohen me aftësitë e mia të Photoshopit, dhe kjo mund të zgjasë disa orë.

Pastaj më duhet optimizimi i makinave të kërkimit (unë nuk kam mijëra para si markat e mëdha,për të paguar një agjenci reklamimi), kështu që duhet të merrem me kërkimin e fjalëve kyç dhe t?i bëj të gjitha vetë, nëse dua trafik nga Google dhe shikime.

Më pas kam nevojë për të mbajtur një prezencë në mediat sociale (nuk paguaj për një menaxher), që përfshin bashkëveprimin me njerëzit çdo ditë të vitit, gjatë gjithë ditës. ?- është shprehur ajo.

Pra, nuk është e drejtë të urrejmë blogeret e famshme, sepse ato thjesht janë të vetëpunësuara në një industri të re që shumë nuk e kuptojnë.





Lajmet e fundit nga