web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet juristi i Hipotekës së Korçës

7 Shtator 2018, 08:06, Aktualitet CNA

Specialistët e Seksionit kundër Krimit Ekonomik-Financiar kanë arrestuar juristin e Hipotekës së Korçës, Elvis Gjata.

Ky shtetas dyshohet se ka mashtruar shtetasen D.H, 36 vjeçe, prej të cilës ka marrë shumën prej 8000 Euro me qëllim zgjidhjen e një problemi gjyqësor.

Në kërkim janë shpallur dhe dy shtetas të tjerë E.F, 32 vjeç dhe K.G, 30 vjeç, të dy banues në Korçë. Këta të fundit dyshohet se kanë bashkëpunuar me njëri tjetrin për përvetësimin e parave dhe për zgjidhjen e problemit gjyqësor.

Burime për CNA.al tregojnë se ky rast nuk lidhet me detyrën e Elvis Gjatës si jurist pranë ZVRPP-Korçë. Pasi ky proces gjyqësor, lidhej me një problem tjetër.

Njoftimi i policisë:

Korçë

Specialistët e Seksionit kundër Krimit Ekonomik-Financiar, në Drejtorinë Vendore të Policisë Korçë, bënë ndalimin e shtetasit:

Elvis Gjata, 31 vjeç, banues në Korçë.

Si edhe filloi procedimi penal dhe u bë shpallën në kërkim shtetasit E.F, 32 vjeç dhe K.G, 30 vjeç, të dy banues në Korçë.

Pasi këta shtetas në bashkëpunim mes tyre, nëpërmjet mashtrimit, dyshohet se në muajin maj të vitit 2018, i kanë përvetësuar shumën prej 8000 Euro, me qëllim zgjidhjen e një problemi gjyqësor, shtetases D.H, 36 vjeçe, banuese në Librazhd.

Materialet për veprime të mëtejshme i kaluan Prokurorisë të Rrethit Gjyqësor Korçë bazuar në nenin 143/2 të Kodit Penal.





Lajmet e fundit nga